İnformasiya texnologiyalari institutunda «Elektron elm» proqram layihəsi işlənilir
Azərbaycan Milli Elmlər Akademiyasının İnformasiya Texnologiyaları İnstitutunda “Elektron elm” proqram layihəsi işlənilir.
“Elektron Azərbaycan” Dövlət Proqramı tərkibində həmin layihənin işlənməsində iştirak edəcək alimlərin vəzifələri müəyyənləşdirilmiş, müvafiq təklif və tövsiyələr hazırlanmışdır.
Dünyanın qabaqcıl dövlətlərində bu sahədə görülən işlər təhlil edilmiş, proqramın konseptual, hüquqi, iqtisadi və texnoloji əsasları müəyyənləşdirilmiş, layihə variantı işlənmişdir və tədqiqatlar davam etdirilir.
AMEA-nın institutları da daxil olmaqla, elmi fəaliyyətlə məşğul olan 100-ə qədər təşkilatda informasiya–kommunikasiya texnologiyalarının (İKT) tətbiq vəziyyətini araşdırmaq və mövcud vəziyyəti qiymətləndirmək məqsədi ilə monitorinqin aparılması planlaşdırılmışdır.
Bunun üçün elmi qurumlarda İKT-nin tətbiq vəziyyətini xarakterizə edən yeni işlənmiş indikatorlar sistemi əsasında sorğu anketi hazırlanmışdır. Sorğunun nəticələrinin təhlili elektron elmin fəaliyyət istiqamətlərini müəyyənləşdirməyə əsas verəcəkdir.
