Dünyanın ən gəlirli şirkətlərinin reytinqi açıqlanıb

27-07-2015 / 10:42

Fortune jurnalı dünyanın 500 ən böyük şirkətinin illik reytinqini dərc edib.

Xəbərlər-in RYTN-nin rəsmi saytına istinadən verdiyi məlumata görə, reytinqdə şirkətlər ötən maliyyə ili ərzində əldə etdikləri mədaxilin həcminə görə bölünür.

Fortune Global 500 siyahısında Apple şirkəti 15-ci yeri tutaraq Cənubi Koreyanın Samsung istehsalçısından iki pillə geri qalıb.

Samsung il ərzində 195 milyard, Apple 183 milyard dollar qazanc əldə edib. Lakin reytinqdə xalis gəlirə görə ABŞ istehsalçısı həm Cənubi Koreya şirkətindən, həm də reytinqin digər iştirakçılarından xeyli yüksəkdə qərarlaşıb. 39,5 milyard dollarlıq xalis gəlirlə Apple 500 şirkət arasında ikinci, Samsung doqquzuncu yerlə (21,9 milyard dollar) kifayətlənib.  

Maraqlıdır ki, Microsoft korporasiyası 22 milyard dollar xalis gəlir əldə etməklə Samsung-u bir pillə geridə qoyub. Reytinqdə gəlirə görə ABŞ-ın proqram təminatı istehsalçısı 95-ci yeri tutub.

Fortune Global 500 siyahısında lider dünyanın ən böyük pərakəndə satış şirkəti Wal-Mart supermarketlər şəbəkəsidir. Şirkətinin illik mədaxili 485,6 milyard, xalis gəliri 16,3 milyard dollar təşkil edib. Müqayisə üçün qeyd edək ki, Apple-ın ümumi mədaxili 39,5 milyard dollar məbləğində xalis gəlirlə 182,7 milyard dollara bərabər olub. Hesabat dövrünün yekunlarına görə Apple-ın satışı təxminən 7 faiz artıb.   

Siyahıda ikinci yerdə Çinin neft-kimya şirkəti Sinopec Group qərarlaşıb. Şirkət il ərzində 446,8 milyard dollar qazanıb ki, bu da 2014-cü ildən 2 faiz azdır.

Xeberler.az 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.