RƏQƏMSAL DÜNYA

Bu ilin may ayından etibarən İranda “milli internet” şəbəkəsi fəaliyyətə başlayacaq.

Şəbəkədə daxili data mərkəzi, milli axtarış sistemi, milli “windows”, milli e-mail tezliklə yaradılacaq.

 “İCTnews” elektron xəbər xidmətindən əldə edilən məlumata əsasən, bunu İranın informasiya texnologiyaları və kommunikasiya naziri Rza Tağıpur söyləyib. Onun sözlərinə görə, şəbəkənin hələlik birinci fazası işə salınacaq: “İlin axırınadək isə ikinci faza da fəaliyyətə başlayacaq.

R.Tağıpur deyib ki, hazırda qlobal internetin zərərli tərəfləri çoxdur: “Bu da insanların mədəniyyətinə və əxlaqına mənfi təsir göstərir. Ona görə də bu, bir çox ölkələri buna alternativ internet şəbəkəsi yaratmağa məcbur edir”.

Xatırladaq ki,   “milli internet” əvvəlcə Çində və Şimali Koreyada yaradılıb və fəaliyyət göstərir. İran internetin sürətinə görə isə 170 ölkə içərisində 164-cü yeri tutur. Eyni zamanda bu ölkədə internetdən istifadəyə görə ödənilən məbləğ dünyanın bütün ölkələrindəki qiymətlərdən daha bahadır. İran ərazisində internet istifadəçilərinin 84 faizi şəbəkəyə telefon vasitəsilə qoşulur.

Məlumatlara görə, ölkənin 75 milyonluq əhalisinin yalnız 11 milyonu bu sistemdən yararlana bilir.

Xeberler.az