ABŞ Milli Kəşfiyyat İdarəsi FTB və Kibertəhlükəsizlik Agentliyi Donald Trampın seçki kampaniyası resurslarının iranlı hakerlər tərəfindən sındırıldığını göstərən birgə bəyanat yayıb.
Xeberler.az bildirir ki, Amerika kəşfiyyat orqanları İranın məlumatları mediaya və Co Bayden tərəfdarlarına verdiyini iddia edir. “İyunun sonu və iyulun əvvəlində iranlı kibercinayətkarlar Bayden kampaniyası ilə əlaqəli olan şəxslərə elektron məktublar göndərdilər. Onlarda Trampın kampaniyasından oğurlanmış ictimai olmayan materiallardan çıxarışlar olub… İranlı hakerlər Amerika mediasına da material göndəriblər”, – FTB-nin saytındakı bəyanatda deyilir.
ABŞ kəşfiyyat orqanlarının məlumatına görə, məxfi materialların qəbulu və yayılması İranın ABŞ-dakı seçki prosesinə etimadı sarsıtmaq üzrə hərəkətlərinə nümunə olub. Bəyanatda deyilir ki, seçkilərə təsir etmək cəhdləri noyabr ayı yaxınlaşdıqca güclənir. Həmçinin Rusiya və Çinin də Amerika cəmiyyətində parçalanmaları artırmağa çalışdığı bildirilir.
Avqust ayında “Politico” nəşri Trampın seçki qərargahına haker hücumu haqqında yazmışdı. Nəşrin məlumatına görə, iranlı hakerlər hüquqi və məhkəmə sənədlərindən tutmuş kampaniyanın daxili müzakirələrinə qədər ən müxtəlif sənədləri əldə ediblər.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri