Kartla ödənişdə biometrik üsuldan istifadə olunacaq

16-09-2015 / 21:25

Visa şəxsiyyətin biometrik üsulla təsdiqləmə sistemini yaradıb.  Beynəlxalq ödəniş sistemi olan Visa çipli plastik kart istifadəçilərinin biometrik aydınlaşdırılması üçün yeni spesifikasiyanı təqdim edib.

Xeberler.az-ın verdiyi məlumata görə, yeni spesifikasiya barmaq, ovuc, üzün skan edilməsi və yaxud səsin tanınması yolu ilə tranzaksiyanı təsdiq etməyə imkan verəcək. Şəxsiyyətin biometrik üsulla təsdiqləmə sistemi EMV (çip) standartına uyğun olacaq. Visa yeni yaratdığı sistemdən həm fırıldaqçılıq hallarının qarşısını almaq, həm də təhlükəsiz ödəniş həyata keçirmək üçün istifadə edəcək.

Yeni sistemin iş prinsipi elə şəkildə qurulmuşdur ki, barmaq izləri və yaxud digər biometrik məlumat biometrik oxucu tərəfindən şifrlənir və sonradan yoxlanılır. Beləliklə, istifadəçilərin biometrik məlumatları hər hansı bir şəkildə mərkəzi məlumat bazalarında saxlanılmır.

Visa-nın yeni spesifikasiyası EMV standartı üzərində yaradıldığından bütün dünya üzrə 3,3 milyarda yaxın çipli kart istifadəçisi üçün əlçatan olacaq.

Qeyd edək ki, yeni sistemi ilk olaraq Cənubi Afrika bankı olan Absa Bank sınaqdan keçirib.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.