COVID-19 pandemiyası ilə mübarizə aparmaq və onun daha da yayılmasının qarşısını almaq məqsədilə həyata keçirilən qabaqlayıcı tədbirlər bir çox ölkələrdə olduğu kimi, Azərbaycanda da təhsilin distant formada aparılmasına gətirib çıxarıb. Pandemiyanın təhsilə mənfi təsirinin azaldılması və uşaqlara onlayn təhsillərinə dəstək göstərilməsi üçün Koreya Beynəlxalq Əməkdaşlıq Agentliyinin (KOICA) Azərbaycan nümayəndəliyi və KOICA Məzunlar Assosiasiyası (KOAZ) 20-dən çox planşet ianə edib.
Xeberler.az-ın məlumatına görə, KOICA-nın Azərbaycan nümayəndəliyindən bildirilib ki, planşetlər Bakının Xəzər rayonunda yaşayan aztəminatlı ailələrə, o cümlədən 6 şəhid uşağına çatdırılacaq.
Layihə Xəzər Rayon İcra Hakimiyyəti ilə birgə əməkdaşlıq çərçivəsində həyata keçirilib. 22 planşet müvafiq ünvanlara çatdırılması üçün icra hakimiyyətinin səlahiyyətli şəxslərinə təhvil verilib. Layihənin məqsədi pandemiyanın mənfi təsirinə məruz qalmış uşaqlara dəstək olmaq, təhsildə bərabərlik və inklüzivliyi təşviq etməkdir.
KOICA-nın Azərbaycan nümayəndəliyi distant təhsilə edilən ianələrin COVID-19 səbəbindən təhsil prosesinin gedişatında baş verən fasilələrin aradan qaldırılmasına və gələcəkdə daha da dayanıqlı təhsil sisteminə töhfə verəcəyinə inanır.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri