“Korporativ idarəetmə” mövzusunda seminar təşkil olunub

04-08-2009 / 18:02

Avqustun 4-də Qiymətli Kağızlar üzrə Dövlət Komitəsi (QKDK) və Beynəlxalq Maliyyə Korporasiyasının (İFC) birgə təşkilatçılığı ilə “Kapital bazarlarının inkişafında korporativ idarəetmənin rolu” mövzusunda jurnalistlər üçün yarımgünlük təlim seminarı təşkil edilib.

Seminarda QKDK ilə yanaşı, Bakı Fond Birjası, İsveçrənin İqtisadi Məsələlər üzrə Dövlət Komitəsinin (SECO) nümayəndələri iştirak ediblər.

Tədbirdə qeyd olunub ki, seminarın məqsədi maliyyə bazarlarının inkişafında korporativ idarəetmənin roluna dair keyfiyyətli və peşəkar məlumatların hazırlanması və dərc edilməsi yolu ilə ictimaiyyətin bu sahədə maarifləndirilməsini təmin etməkdi.

Tədbirin açılışında çıxış edən QKDK-nın sədri Rüfət Aslanlı, İFC-nin layihə meneceri Karolina Brayt və SECO-nun ölkəmizdəki proqram koordinatoru Nailə Səfərova korporativ idarəetmənin səhmdarların hüquqlarının qorunması, maliyyə imkanlarının genişləndirilməsi və yeni investisiya resurslarının cəlb edilməsindəki rolundan danışıblar.

QKDK-nın 2009-2011-ci illər üçün məlumatlandırma və maarifləndirmə konsepsiyası təqdim edilib, kapital bazarları və tənzimləyicilərin, maliyyə bazarlarının inkişafında korporativ idarəetmənin rolu, səhmdarların hüquqları və onların təmin edilməsi mexanizmləri, listinq qaydaları haqqında geniş məlumat verilib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.