RƏQƏMSAL DÜNYA

Bu ilin sonunadək dünyada LTE texnologiyasından istifadə edən mobil abunəçilərin sayı dörddə bir dəfə artacaq. 

Xeberler.az-ın məlumatına görə, bu barədə Digitimes Research analitik şirkətinin proqnozunda deyilir.

2015-ci il iyunun sonunda dünyada LTE rabitə xidməti istifadəçilərinin sayı 755 milyon abunəçi təşkil edib. Dekabrın sonunda bu rəqəmin 945 milyon nəfər, 2016-cı ildə 1,47 milyard nəfərədək artacağı gözlənilir.  

Beləliklə, LTE abunəçilərinin sayı tezliklə 1 milyarda çata bilər. Bu, altı il əvvəl ilk LTE şəbəkəsi kommersiya istifadəyə verildikdən sonra baş verəcək. Müqayisə üçün qeyd edək ki, 1 milyard 2G texnologiyası istifadəçi sayına 12 il, 3G texnologiyası istifadəçi sayına 9 il ərzində nail olunub.  

Hazırda dördüncü nəsil rabitə şəbəkəsi 143 ölkədə qurulub və 422 LTE operatoru tərəfindən idarə olunur. Digitimes Research şirkətinin proqnozuna görə, bu il LTE abunəçilərinin yarıdan çoxu Asiya-Sakit okean regionunun payına düşəcək, Şimali Amerikanın payı təxminən 25 faiz təşkil edəcək.

Bu gün operatorlar istifadəsi 45 ölkənin 88 operatorunda mümkün olan LTE-Advanced servislərini inkişaf etdirirlər. Dünyada LTE qurğularının üçdə bir hissəsi məlumatları 150 Mbit/saniyə sürətində ötürməyə imkan verən LTE Cat.4 standartını dəstəkləyir.

Xeberler.az