Bu ilin ikinci rübündə makrosotların (1-35 km radiuslu ərazini əhatə edən mobil rabitə şəbəkəsi zonası) qurulması üçün dünya baza stansiyaları bazarının həcmi illik və rüblük hesablamada 2 faiz artaraq 11,4 milyard dollar təşkil edib. Bu barədə “IHS Infonetics” analitik şirkətinin hesabatında deyilir.
Xeberler.az RYTN-in rəsmi saytına istinadən məlumat verir ki, analitiklər qeyd edirlər ki, bazarın həcminin artmasına EMEA (Avropa, Yaxın Şərq, Afrika) regionunda 3G WCDMA şəbəkələrinin qurulması üzrə layihələrin istifadəyə verilməsi və Çin operatorlarının LTE şəbəkələrinin işə salınmasında aktivliyi xidmət edib.
Ekspertlərin hesablamasına görə, 2015-ci ilin aprel-iyununda telekommunikasiya şirkətlərinin LTE avadanlığına xərcləri bir il əvvəlki göstərici ilə müqayisədə 10 faiz yüksəlib, lakin cari ilin üç ayına nisbətdə minimal 1 faizlik artım qeydə alınıb.
“IHS Infonetics” şirkətinin proqnozuna görə, 2015-ci ildə LTE bazarının həcmi rekord 23 milyard dollara çatacaq və bundan sonra dördüncü nəsil şəbəkələrinin əksər ölkələrdə istifadəyə verilməsi səbəbindən azalmağa başlayacaq.
Cari ilin iyunun sonunadək dünyada 422 kommersiya “LTE” şəbəkəsi fəaliyyət göstərib.
Analitiklər LTE rabitəsi üçün iri avadanlıq istehsalçıları kimi Ericsson və Huawei şirkətlərini qeyd edirlər. Şirkətlərin hər biri bu ilin dördüncü rübündə bazarda 20 faizlik paya sahib olub.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları