Növbəti hərbi münaqişə kosmosda baş verəcək.
Xeberler.az məlumat verir ki, bu barədə Fransa Prezidenti Emmanuel Makron bildirib. Onun gələcək müharibəyə dair fikirləri “Barrons” portalında dərc olunub. "Bugünkü müharibə artıq kosmosda aparılır, sabahkı isə kosmosda başlayacaq. Kosmos artıq sığınacaq olmaqdan çıxaraq döyüş meydanına çevrilib", - deyə Fransa lideri fikirlərini bölüşüb.
Makron, həmçinin 2030-cu ilədək Fransanın hərbi kosmos fəaliyyətləri üçün əlavə 4,2 milyard avro maliyyə vəsaiti ayrılacağını açıqlayıb.
ABŞ Kosmik Komandanlığının rəhbəri general Stiven Uaytinqin sözlərinə görə, Vaşinqton kosmosda silah sistemləri yerləşdirməlidir. O, həmçinin qeyd edib ki, bəzi ölkələrin kosmosda nüvə silahı yerləşdirməsi ehtimalı narahatlıq doğurur.
