Bezos: Milyonlarla insan yaxın gələcəkdə kosmosda yaşayacaq

07-10-2025 / 08:31

Ceff Bezos, İtaliyada keçirilən "Italian Tech Week" tədbirində çıxışı zamanı maraqlı proqnozla çıxış edib.

Xeberler.az "Financial Times"a istinadən məlumat verir ki, Bezos milyonlarla insanın "növbəti bir neçə onillikdə" kosmosda yaşayacağını proqnozlaşdırır.

Bezos bildirib ki, insanlar kosmosda "əsasən öz istəkləri ilə" yaşayacaqlar. Onun fikrincə, Yer kürəsindən kənarda qurulacaq bu yeni həyat tərzində, ağır və yorucu işlərin  öhdəsindən robotlar gələcək.

Milyarder, həmçinin, kosmik infrastruktura dair maraqlı bir detal açıqlayıb. O, Süni İntellekt məlumat mərkəzlərinin başımızın üstündə, yəni orbitdə üzəcəyini qeyd edib. Bu isə gələcəkdə rəqəmsal və texnoloji əməliyyatların məhz kosmosdan idarə oluna biləcəyinə işarə edir.

Ceff Bezosun Blue Origin şirkəti hazırda kosmos turizmi və kommersiya məqsədli kosmik uçuşlar sahəsində fəaliyyət göstərir və bu proqnozlar onun uzaqgörən kosmos ambisiyalarının bir daha təsdiqidir.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə