Məktəblərin keyfiyyətli internet təminatında ciddi uğurlar qazanılıb- EKSPERT RƏYİ

28-11-2022 / 20:14
Elm və Təhsil Naziri Emin Əmrullayev brifinqində cari ildə fiberoptik internetlə təchiz olunan məktəblərin sayının 1235-ə çatdığını deyib.
 
"Çox böyük rəqəmdir. Ciddi uğurdur. Ona görə ki, ümumiyyətlə ötən 12 il ərzində Nazirlik cəmi 726 məktəbi fiberoptik internetə bağlaya bilmişdi. Yəni, ETN son bir ildə keyfiyyətli internet təminatı sahəsində əvvəlki 10 illər ərzində olandan da çox uğur qazana bilib".
 
Bunu Xeberler.az-a məsələni şərh edərkən Azərbaycan İnternet Forumunun prezidenti, ekspert Osman Gündüz deyib.
 
Osman Gündüzün məlumatına görə, illər üzrə bağlantı statistikası belə olub:
 
2009- cu il - 10 məktəb
2012-ci il - 20 məktəb
2015-ci il - 65 məktəb
2016-ci il - 128 məktəb
2017-ci il - 170 məktəb
2018-ci il - 206 məktəb
2019 -cu il - 250 məktəb
2020-ci il - 301 məktəb
2021-ci il – 726 məktəb
2022-ci il - 1235 məktəb
 
"Xatırladıram ki, məktəblərin keyfiyyətli internet təminatında ciddi uğurlar son 2 ildə əldə edilib. Düşünmək olar ki, burada ETN -lə bərabər Rəqəmsal İnkişaf və Nəqliyyat Nazirliyinin apardığı siyasət də çox böyük rol oynayıb. Gizli deyil ki, əvvəllər heç bir provayder, o cümlədən dövlət qurumu olmasına baxmayaraq hətta ETN-nin şəbəkəsini quranlar da dövlətə məxsus rabitə infrastrukturuna, rabitə quyularına yaxın düşə bilməzdi. Uzun illər bu sahədə RİNN inhisarçılığı mövcud olub. Amma RİNN -də rəhbərlik yenilənəndən sonra bu sahədə müsbət istiqamətdə ciddi dəyişikliklər olub",- deyə ekspert vurğulayıb.
 
Onun sözlərinə görə, hazırda özəl provayderlər də dövlətə məxsus rabitə resurslarından sərbəst istifadə edə bilirlər:
 
"Hazırda RİNN tərəfindən dövlət-özəl tərəfdaşlıq çərçivəsində bütün ölkə üzrə GPON intetnet infrastruktirun qurulmasl prosesi də gedir. 2024-də keyfiyyətli internetə əlçatanlıq olmayan ərazi qalmamalıdır. Xatırladıram ki,məktəblər həm də ADSL və Peyk texnologiyası ilə, həmçinin ETN və Bakcell arasında imzalanan memoranduma əsasən 3G, 4G və LTE texnologiya əsasinda da internetə qoşulublar. ETN və RİNN-in məktəblərin keyfiyyətli internet təminatı sahəsində səyləri təqdirəlayiqdir". 
 
 

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.