Microsoft maliyyə rəhbərləri və HR- direktorları bir araya toplayıb

15-11-2016 / 14:37

Microsoft Azerbaijan şirkəti Bakıda maliyyə rəhbərləri və menecerləri, həmçinin HR-direktorları üçün dəyirmi masalar təşkil edib.

"Korporativ göstəricilərin inkişafı üçün texnologiyadan istifadə” mövzusunda təşkil olunmuş ilk dəyirmi masada Microsoft-un MDB regionu üzrə biznes nəzarətçisi İnnа Xionidi və maliyyə direktoru Andrey Levenkо tədbir iştirakçılarına öz şəxsi təcrübələri timsalında Microsoft-un İT həllərindən maliyyə idarəedilməsində necə istifadə etdikləri haqqında məlumat veriblər.

Xeberler.az-ın məlumatına görə, bundan başqa, tədbirdə “Office 365” misalında Microsoft-un bulud texnologiyaları həllərindən istifadə ssenariləri də nəzərdən keçirilib: büdcələşmə, biznes-planlaşdırma, idarəetmə uçotu, risklərin idarə edilməsi, proqnozlaşdırma, maliyyə və biznes analitikası, təhlil alətləri və korporativ göstəricilərin idarə edilməsi, Microsoft Power BI proqramının nümayişi; bulud texnologiyalarının maliyyə səmərəliliyinə təsiri.

İnsan resursları üzrə direktorlar üçün keçirilən “Məhsuldarlıq, öhdəçilik və mobillik” mövzusunda ikinci dəyirmi masada əsas müzakirə predmeti HR departamentlərinin real məqsədlərinə çatmaları və öz əməkdaşları üçün daha məhsuldar mühit yarada bilmələri üçün Microsoft texnologiyalarından yeni istifadə üsulları olub.

Microsoft korporasiyasının MDB regionu üzrə HR-direktoru Oksana Bondarenko və marketinq kommunikasiyaları qrupunun rəhbəri Georgi Kopilaşvili şəxsi təcrübələri ilə bölüşüb, Microsoft-un əməkdaşlarının iş məhsuldarlığının artırılması üçün istifadə etdikləri həlləri nümayiş etdiriblər.

Microsoft-un əməkdaşları “Office 365” həlli misalında istənilən cihazda işin səmərəli təşkili, əməkdaşların mobillik və operativliyinin təmin olunması, o cümlədən işçilərin təlim və inkişafının planlaşdırılmasını nümayiş etdirdilər.

“İlk dəfədir ki, Microsoft dəyirmi masaları yeni formatda təşkil edir. Belə ki, bu dəfə öz təcrübələri ilə texniki mütəxəssislər deyil, biznes üzrə ekspertlər bölüşüblər: maliyyə şöbələrinin və HR departamentlərin rəhbərləri. Onlar real məqsədlərə çatmaq və daha məhsuldar iş mühitinin yaradılmasında Microsof texnologiyalarından istifadə etməsinin yeni üsullarından danışıblar. Microsoft-un çevik bulud platformaları və xidmətləri sayəsində sizin şirkət biznesin artan tələblərini təmin etmək və işçi heyətlə işin daha səmərəli aparılmasına nail ola bilər”, - deyə Microsoft Azerbaijan şirkətinin baş meneceri Sərxan Həşimov bildirib.

Təşkil olunmuş tədbirlərdə bulud texnologiyalarının üstünlükləri, virtual məkan rejimində iş prosesi və Microsoft-un digər effektiv alətləri nümayiş olunub.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.