Microsoft Azərbaycanda ilk dəfə marketoloqlar üçün seminar keçirib

26-12-2016 / 12:19

Bakıda Microsoft Azerbaijan şirkətinin təşkilatçılığı, həmçinin Facemark.az marketinq portalı və Digital Air  təlim mərkəzinin dəstəyi ilə marketinq mütəxəssisləri üçün “Rəqəmsal hesablamalar dövründə internet-marketinq” mövzusunda seminar keçirilib.

Xeberler.az-ın məlumatına görə, seminarda reklam kampaniyalarında rəqəmsal marketinqin səmərəliyini qiymətləndirmək istəyən internet-marketinq mütəxəssisləri və marketinq direktorları üçün bu sahədə tətbiq olunan ən son texnoloji yeniliklər barədə məlumat verilib. 

Bundan başqa, verilən məlumatların əyani nümayişini də əhatə edən seminarda iştirakçılara nəticələrin izlənilməsində biznes-analitikadan istifadə nümunələri də təqdim olunub.

Tədbiri giriş sözü ilə açıq elan edən Microsoft Azerbaijan şirkətinin baş meneceri Sərxan Həşimov bildirib ki,  böhran dövründə qabaqcıl innovasiya texnologiyalarını təqdim etməklə bizneslərin davamlı inkişafına dəstək olmağa çalışırlar:

"Bu cür əhəmiyyətli dövrdə şirkətlər üçün rolu əvəzsiz olan marketoloqların da xüsusi yanaşmaları ilə biz yeni bir dəyər yarada biləcəyimizə inanırıq”.

Seminarın aparıcısı qismində iştirak edən Convert şirkətinin (Ukrayna) direktoru Sergey Dovqaniç iştirakçılara Microsoft korporasiyasının təqdim etdiyi biznes-analitik rolunu oynayaraq məlumatların qısa zamanda səmərəli və keyfiyyətli təhlilini təmin edən Power BI xidməti haqqında ətraflı məlumat verib:

“Ənənəvi marketinqin səmərəliliyinin azaldığı bir dövrdə rəqəmsal marketinq bizi ölçüləbilən nəticələrlə təmin edir. Bu gün haqqında danışdığımız Power BI servisi biznes-təhlil rolunu oynayaraq məlumatların qısa zamanda səmərəli və keyfiyyətli analizini təmin edir. Power BI inteqrasiyası qısa zamanda hər hansı bir qurumun Google Analytics, Facebook və digər əhəmiyyətli platformalardan məlumatlarını zəngin vizual qrafiklər üzərində bir araya gətirir və ətraflı analizlərlə təmin edir. Bir toxunuşla hansı marketinq kampaniyasının daha gəlirli və effektiv olduğunu bildirən bu platforma əməliyyatların sayını və büdcənin istifadə tezliyini göstərməklə, xərcləri optimallaşdırılmağa da imkan verir".

Tədbirdə həmçinin bildirilib ki, reklam marketinqi artıq tədricən kontent marketinqin xüsusiyyətlərindən yararlanmağa başlayır. Belə ki, istifadəçilərin diqqətini cəlb edə biləcək məzmun yaratmaqla reklamın həm istehlakçı, həm də istehsalçı üçün faydalılığını təmin etmək mümkündür.

Keçirilən tədbirlərdə daim innovativ və maraqlı yanaşması ilə seçilən Microsoft Azerbaijan şirkəti bu dəfə marketoloqları da yaxşı mənada təəcübləndirə bilib. Belə ki, son zamanlar dünyada yeni bir cərəyana çevrilmiş Mannequin Challenge ilk dəfə olaraq Azərbaycanda biznes tədbirinin bir parçası olubvə qəhvə fasiləsi zamanı iştirakçılar həmin viral internet cərəyanına qoşulub.

Microsoft Azerbaijan şirkəti mütəmadi olaraq HR, IT və maliyyə rəhbərləri və mütəxəssisləri üçün seminarlar təşkil etməklə innovativ texnologiyaların yerli bizneslərə inteqrasiyasına töhfə verir.

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.