PROQRAMLAR

“Microsoft” şəxsi məlumatların mühafizəsi ilə bağlı standart tətbiq edib. 

Xəbərlər-in məlumatına görə, “Microsoft”  Korporasiyası bulud xidməti istifadəçilərinin məlumatlarının məxfiliyi ilə bağlı yeni standartı (ISO/IEC 27018 beynəlxalq standart) qəbul edib.

Belə ki, yeni  standart istifadəçilərin şəxsi məlumatlarının qorunmasını təmin etməklə, bu məlumatların reklam məqsədilə istifadəsinin qarşısını alır.  

Standartlar ilk baxışdan texniki yönümlü olsa da, korporativ müştərilər üçün xüsusi praktiki əhəmiyyət kəsb edir.

ISO/IEC 27018 adını almış standart Beynəlxalq Standartlaşdırma Təşkilatı tərəfindən bulud xidmətində saxlanılan məlumatların məxfiliyi haqda vahid standartların tətbiqi məqsədilə tərtib olunub.

Britaniya Standartlar İnstitutu (BSI) “Microsoft Azure”, o cümlədən “Office 365” və “Dynamics CRM Online” xidmətlərində də standartların tətbiqinə müstəqil nəzarəti həyata keçirəcəyi düşünülür. Həmçinin  “Microsoft Intune” üçün analoji xidməti “Bureau Veritas” şirkəti yerinə yetirəcəyi bildirlir.

ISO/IEC 27018 standartlarının bulud texnologiyalarında tətbiqi məlumatların mühafizəsi baxımından  istifadəçiləri tam qane edəcəyi də bildirlir. Belə ki, istifadəçilər öz məlumatlarının durumu, harada saxlanması və müxtəlif resurslar arasında yerdəyişməsi haqda tam məlumatlı olacaqlar. Məlumatlar “Microsoft”un tərəfdaşlıq etdiyi təşkilatlara gərəkli olduqda, onlar haqqında məlumat ilk növbədə istifadəçilərə təqdim olunacaq. Kənar daxilolma, məlumatların itkisi və digər mümkün hadisələr barədə istifadəçilər məlumat ala biləcəklər.

Aparıcı beynəlxalq provayderlər arasında “Microsoft” Korporasiyası buludda yerləşdirilmiş “Personally Identifiable Information” (PII, identifikasiya olunmuş şəxsi məlumatı) məxfiliyinin təmin edilməsi barədə standartlarda əks olunmuş tövsiyələrin dəstəklənməsi ilə bağlı öhdəçiliyi öz üzərinə götürməklə ilkə imza atıb.

Məltəm Talıb