Məlum olduğu kimi, hər il Azərbaycan internetinin ən yaxşı saytları və internet layihələri arasında Milli İnternet Mükafatı - Milli Net müsabiqəsi keçirilir.
Müsabiqədə iştirak edən saytlar Milli Net-in rəsmi saytı www.millinet.az üzərindən qeydiyyatdan keçir.
Milli Net Təşkilat Komitəsindən Xeberler.az-a verilən məlumata görə, bu il müsabiqənin rəsmi saytı dizaynını dəyişir, yenilənir.
Bildirilib ki, sayt bir neçə il əvvəl yaradılıb, müsabiqə iştirakçıları və Ekspertlər Şurasının rahatlığı üçün hazırda sayt yeni veb trendlər ilə əvəz edilir:
“Saytın dizaynı daha da sadələşdiriləcək. Əsasən saytın mobil istifadəçi interfeysində dəyişikliklər edilib. Məqsədimiz, müsabiqə iştirakçılarının saytdan daha rahat istifadəsini təmin etməkdir. Həmçinin saytda onlayn səsverməni də müsabiqə ekspertləri üçün rahatlaşdıracağıq”.
Təşkilat Komitəsindən verilən məlumata görə, cari ildə də müsabiqəyə sentyabrda başlanılması və dekabrda yekunalaşdırılması nəzərdə tutulur. Qeyd edilib ki, bu il nominasiyalarda da dəyişikliklər olacağı gözlənilir.
Milli İnternet Mükafatına Rabitə və Yüksək Texnologiyalar Nazirliyi dəstək verir.
Müsabiqənin Baş sponsoru Azercell şirkətidir.
Delta Telecom və BestCom şirkətləri də Milli İnternet Mükafatına dəstək verirlər.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri