STARTAP AZƏRBAYCAN

Müştərilərin istifadə etdikləri xidmət, məhsullarla bağlı  rəylərini bildirmələrinə imkan yaradan yeni onlayn platforma yaradılıb.

Xeberler.az-ın məlumatına görə, Azərbaycanda yaradılan QReact  startap layihəsi müştərilərdən feedback (rəy) almağın ən müasir yolunu təqdim edir.

Belə ki, bu platformada xidmət sahibləri öz  QR kodlarını yaradır və sonra bu kod  onları rəy alacağı müştərilərə yönəldir.

Burada müştərilər yalnız məhsul yox, məkan və digər xidmətlərlə bağlı rəylər də əlavə edə bilir.

Müştərilər bu QR kodu smartfonlarında skan edir və feedback üçün formu( blankı) açır. Sonra müştərilər bir dəfə klik etməklə öz rəylərini platformaya daxil edir.

 QReact neçə işləyir?

-Scan QR code ( QR kodu skan edin)

 -Müştərilər QR kodu skan edir və avtomotik rəy yazmaq üçün forum açılır.

 -Daha sonra Fill in Form ( forumu doldurun) bölməsindən blankı doldurur.

Qeyd edək ki, müştəriyə təqdim edilən hər bir rəy blankı şirkətlər tərəfindən dizayn edilir. Həmçinin şirkətlər foruma öz loqosunu da daxil edir.

Müştərilər blankları doldurandan sonra şirkətlər diaqramlarda göstərilən rəylərdən məlumat əldə edə bilir. Platfromada hər bir sahə üzrə filter etmək imkanı yaradılıb.

Layihənin rəhbəri isə bir çox maraqlı İT layihələrin qurucusu Ziya Əsgərovdur. 

Qeyd edək ki, layihə qlobal bazar üçün nəzərdə tutulub.

Məltəm Talıbzadə