AzəriKard növbəti unikal məhsulunu təqdim edib

31-05-2019 / 13:34

Azərbaycanda ilk və ən böyük prosessinq mərkəzi olan “AzəriKard” PİN-kodun müştərilər tərəfindən yaradılmasına imkan verən yeni, unikal “PIN Set
ATM” və “PIN Delivery Web” məhsullarını təqdim edib.

Xeberler.az bildirir ki, müştərilərinin rahatlığını hər zaman üstün tutan prosessinq mərkəzinin təqdim etdiyi yeniliyə əsasən əvvəllər PİN-kodu yalnız banka gedib post terminal vasitəsilə yaratmaq olurdusa, indi artıq müştəri banka getmədən, bankomata kartı daxil etməklə, bank tərəfindən mobil telefona göndərilən kod vasitəsilə istədiyi PİN-kodu bankomat (“PIN Set ATM” xidməti) vasitəsi ilə yarada bilər.

PİN-kodu veb vasitəsilə əldə etmək üçün isə "AzəriKard"ın rəsmi saytında PİN kodun təyin edilməsi bölməsinə daxil olub, kart barədə məlumatları (cvc2/cvv2, kartın istifadə müddəti) qeyd etmək, PİN-kodun seçilməsi üçün formu doldurmaq lazımdır. Həmin proseduralardan sonra müştəri istədiyi PİN-kodu internet üzərindən (“PIN Delivery Web” xidməti) yarada bilər.

"AzəriKard"Azərbaycanda MasterCard, Visa, American Express, Diners Club, UnionPay və JCB Beynəlxalq Ödəmə Sistemləri tərəfindən tamamilə sertifikatlaşdırılmış ilk prossesinq mərkəzidir. Hal-hazırda AzəriKard Azərbaycanda, eləcə də onun hüdudlarından kənarda Beynəlxalq Ödəmə Sistemlərinin üzvü olan 21 banka prosessinq xidməti göstərir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.