“Nanotech - Nanoscience-2015” beynəlxalq konfransı başa çatdı

23-06-2015 / 22:18

Fransanın Paris şəhərində keçirilmiş “Nanotech- Nanoscience-2015” beynəlxalq konfransı başa çatıb.

BDU-nun mətbuat xidmətindən Xeberler.az-a verilən məlumata görə, konfransda Bakı Dövlət Universitetinin (BDU) Nanoaraşdırmalar laboratoriyasının aparıcı elmi işçisi, professor Ülviyyə Həsənova və Nanomaterialların kimyəvi fizikası kafedrasının müəllimi, Nanoaraşdırmalar laboratoriyasının böyük elmi işçisi Flora Hacıyeva iştirak edib və məruzə ediblər.
 
BDU əməkdaşları həmçinin konfransın işində kimya üzrə Nobel mükafatı laureatı, professor Jean-Marie Lehn və fizika üzrə Nobel mükafatı laureatı, professor Albert Fertin mühazirələrini dinləyib, aparılan müzakirələrdə iştirak ediblər.
  
Alimlər həmçinin Bakı Dövlət Universitetinin Nanoaraşdırmalar Mərkəzinin və Avropanın qabaqcıl universitetləri ilə birgə həyata keçirilən ECONANO layihəsi çərçivəsində Fransanın Paris 13 Universitetinin Materialşünaslıq laboratoriyasının professorları Jean Filipp, Andrey Kanayev ilə görüşüb, layihənin yerinə yetirilmə vəziyyəti haqqında müzakirələr aparıblar. Səfər zamanı yeni bir təhsil proqramının hazırlanması ilə bağlı Paris 13 Universiteti ilə razılıq əldə edilib.

 

Xeberler.az

 

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.