Nar ucqar dağ kəndini mobil rabitə ilə təmin edib

19-07-2018 / 17:41

Nar mobil rabitənin mövcud olmadığı Yardımlı rayonunun Arvana kəndində mobil şəbəkə qurub. Dəniz səviyyəsindən 2000 m hündürlükdə yerləşən ucqar kənddə mobil rabitənin olmaması yerli sakinlər üçün ciddi əngəllər yaradırdı.

Xeberler.az məlumat verir ki, Arvana sakinlərinin rabitə problemini həll etmək üçün Nar operatoru kənddə tam gücüylə fəaliyyət göstərən mobil şəbəkə qurub.

Hazırda kənd ərazisində Nar-ın 4 baza stansiyası fəaliyyət göstərir və bütün kəndi əhatə edir. Xüsusi enerji təminatına malik Nar şəbəkəsi kəsintisiz fəaliyyət göstərərək əhaliyə keyfiyyətli zəng və internet xidmətlərindən istifadə etmək imkanı yaradıb.

Bildirək ki, sakinlərin böyük sevincinə səbəb olan bu hadisə münasibətilə Nar Arvana kəndində tədbir keçirib. Sakinlərin görüşünə gələn Nar yerlilərə pulsuz nömrələr, internet və danışıq balansı və digər dəyərli hədiyyələr təqdim edib. Yeni nömrələrini istifadə edən kənd sakinləri zəng və internet xidmətlərindən yararlanaraq, mobil rabitənin keyfiyyətindən razı qalıb.

Qeyd edək ki, mobil operator, paytaxtla yanaşı, bölgələrin də yüksəkkeyfiyyətli mobil zəng və internet xidməti ilə təmin olunmasına diqqət ayırır. Şirkət 2018-ci il ərzində ölkənin 30-a yaxın şəhər və rayonlarında yeni baza stansiyaları quraraq abunəçilərin istifadəsinə təqdim edib. Bölgələr üçün xüsusi yaradılmış Yerlim tarifindən istifadə edən Nar abunəçiləri zəng xidmətlərindən çox sərfəli qiymətə – dəqiqəsi 1 qəpiyə, yararlanırlar.

Arvana sakinləri kəndin ciddi probleminə çevrilmiş rabitə problemini aradan qaldırdığına görə mobil operatora minnətdarlığını bildrib. Kənddən xüsusi hazırlanmış video çarxı buradan izləyə bilərsiniz.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.