TƏHLİL

Bütün dövlət orqanları qarşında bu istiqamətdə konkret tələblər qoyulub. İcrası Xüsusi Dövlət Mühafizə Xidməti və onun tabeliyində Xüsusi Rabitə və İnformasiya təhlükəsizliyi Dövlət Agentliyinə tapşırılıb. eGovla bağlı səalhiyyətlər isə VXSİ Dövlət Agentliyinə verilib.

Xeberler.az bildirir ki, Naxçıvan MR-da isə Gov.az domeni tətbiq olunmur. Lakin qanunvericilik dövlət qurumlarının bu domeni əldə etməsini tələb edir.

Məsələ ilə bağlı Azərbaycan İnternet Formunun Prezidenti, ekspert Osman Gündüz münasibət bildirib:

"Naxçıvan MR-in Gov.az sektorunda, AzStateNet şəbəkəsində və eGov şəbəkəsində apardığım qısa bir araşdırma göstərir ki, real vəziyyət çox narahatedicidir :

1. Naxçıvanın dövlət qurumlarında Gov.az domeni tətbiq edilmir. Halbuki, qanunvericilik tələb edir ki, dövlət qurumu mütləq olaraq məhz bu domeni əldə etməlidir. İndiyədək bu qurumlar yalnız adi, qarmaqarışıq, dqmk.nmr.az, aqupdk.nakhchivan.az, e-hokumet.nmr.az , nazirlerkabineti.nakhchivan.az, alimeclis.az və s . bu tip domenlərdən istifadə edirlər.

Yalnız bir müddət öncə Naxçıvan məhkəmələri üçün vahid formada gov.az domeni ayrılıb, nakhchivancourt.gov.az və s.

Gov.az -ın inzibatçısı XDMX-nin Xüsusi Rabitə qurumudur. Bu qurumun Gov.az saytında axtarış verdikdə Naxçıvanın dövlət qurumları ilə bağlı heç nə əldə etmək olmur.

2. Naxçıvan MR-in dövlət qurumlarının saytları ya bəsit vəziyyətdədir, ya da işləmir.
3. Naxçıvan MR Elektron hökumət Portlaı - e-hokumet.nmr.az işləmir.
4. Gov sektorunda rəqəmsallaşma inkişaf etməyib və dövlətə məxsus informasiya sistemlərinin inteqrasiyası reallaşmayıb və s.

Düşünürəm ki, bu vəziyyət Ali hakimiyyəti ciddi narahat etməlidir. Adı çəkilən qurumlar Naxçıvan MR-də və o cümlədən digər regionlarımızda rəqəmsallaşmaya, eGov quruculuğuna, ölkənin vahid informasiya məkanının formalaşmasına, xüsusilə də dövlətə məxsus vahid informasiya şəbəkəsinin formalaşmasına ciddi diqqət yetirməli və köməklik göstərməlidirlər.

Vahid yanaşma, mərkəzləşmə tətbiq edilməlidir.
Fikrimcə, Naxçıvan MR-də və regionlarda, bu istiqamətdə işlərin canlandırılması üçün xüsusi dövlət proqramları qəbul edilməlidir.

Son zamanlar qonşu regionlarda baş verənlər göstərir ki, biz öz informasiya və virtual məkanımızın qorunmasına, dövlət informasiya şəbəkəsinin və resurslarının dayanıqlığına daha çox diqqət yetirməliyik".