QANUNVERİCİLİK

Rabitə və Yüksək Texnologiyalar Nazirliyinin (RYTN) Mərkəzi Ekspert Komissiyası yaradılıb.

Xeberler.az-ın məlumatına görə, komissiyanın yaradılması haqqında əsasnamədə, RYTN-nin (bundan sonra - Nazirlik) Mərkəzi Ekspert Komissiyası (bundan sonra - Mərkəzi Ekspert Komissiyası) sənədlərin (elektron sənədlərin) dövlət, hüquqi, elmi və tarixi cəhətdən dəyərliliyinin ekspertizası, onların dövlət arxivinə təhvil verilməsi üçün seçilməsi, hazırlanması və bu sahədə metodiki və əməli işlərin təşkili və həyata keçirilməsi məqsədi ilə yaradıldığı bildirilir.

Əsasnamədə qeyd edilir ki, Mərkəzi Ekspert Komissiyası daimi fəaliyyət göstərən məşvərətçi orqandır.

Komissiya iclaslar keçirərək kargüzarlıq və arxiv işinin təşkili ilə bağlı məsələləri müzakirə edir və onlara dair müvafiq qərarlar qəbul edir.

Onun qərarları Nazirliyin rəhbərliyi, lazım gəldikdə isə Azərbaycan Respublikasının Milli Arxiv İdarəsi tərəfindən təsdiq edildikdən sonra qüvvəyə minir.

Mərkəzi Ekspert Komissiyasının vəzifələri RYTN-in Mərkəzi arxivində (bundan sonra - Mərkəzi arxiv) olan sənədlərin (elektron sənədlərin) dövlət arxivinə təhvil verilmək üçün seçilməsi və hazırlanması məqsədi ilə bu sənədlərin (elektron sənədlərin) dövlət, hüquqi, elmi və tarixi cəhətdən dəyərliliyinin ekspertizasını dövlət arxivinin Ekspert-Yoxlama Komissiyasının tövsiyə və təlimatları əsasında təşkil etmək, dövlət arxivinə təhvil verilən sənədlərin (elektron sənədlərin) vəziyyətinin yoxlanılması, sənədlər (elektron sənədlər) və onlara əlavə olunan materiallar (aktlar, ümumi siyahılar, təsvirlər və s.) barəsində müvafiq tövsiyələr vermək, Mərkəzi arxivdə saxlanılan və saxlanma müddəti qurtardığına görə məhv edilməli olan sənədlər (elektron sənədlər) haqqında məsələyə baxmaq və qərarlar qəbul etməkdir.

Mərkəzi Ekspert Komissiyasının tərkibi rabitə və yüksək texnologiyalar naziri tərəfindən təsdiq edilir. 
 
Mərkəzi Ekspert Komissiyasına nazir tərəfindən təyin edilən sədr başçılıq edir.

Daha ətraflı məlumatla bağlı Nazirliyin saytında tanış ola bilərsiniz.

Xeberler.az