Ölkədə internet bankçılıq xidməti ilə bağlı vəziyyət necədir?

09-12-2015 / 12:11

Ölkəmizdə fəaliyyət göstərən 43 bankdan 11-i internet bankçılıq xidmətləri təklif etmir.

Xeberler.az olaraq müasir bankçılığın çox vacib hissəsi olan internet bankçılıqla bağlı ölkəmizdəki vəziyyəti öyrənməyə çalışdıq.

Ölkədə fəaliyyət göstərən banklardan yalnız 11-i internet bankçılıq xidmətləri təklif etmir. Bu banklardan olan Azərbaycan Sənaye Bankı internet bankçılıq xidmətini 2016-cı ildə təqdim etməyə hazırlaşır, Muğanbank isə yalnız korporativ bankçılıq çərçivəsində internet bankçılıq xidmətləri təklif edir. Naxçıvanbank-ın saytında internet bankçılığa daxil olmaq üçün keçid yerləşdirilsə də, bu keçid boş səhifəyə açılır. 30 dekabr 2014-cü ildə verilmiş qərarla lisenziya almış Ziraat Bank Azərbaycan-ın isə ümumiyyətlə veb-saytı yoxdur.

İnternet bankçılıq xidməti təklif edən 32 bankdan 19-u bu xidmətləri AzeriCard internet bankçılıq sistemi çərçivəsində, 2-i isə MilliKart internet bankçılıq sistemi çərçivəsində həyata keçirir.

Hazırda müstəqil internet bankçılıq fəaliyyəti göstərən 11 bank var. Onlardan AccesBank oktyabr ayında yeni “myAcces” internet bankçılıq xidmətini istifadəyə verib. BankStandart isə oktyabr ayında internet bankçılıq xidmətləri ilə bağlı yeni saytının fəaliyyətinə start verib. 

AzeriCard internet bankçılıq sistemi əsasında xidmətlər təklif edən Bank Technique isə öz müstəqil internet bankçılıq sistemini yaratmağa hazırlaşır.

İnternet bankçılıq hesabların idarə olunmasına, hesablararası pul köçürmələrinə, hesabdan çıxarışlar etməyə, itdiyi və ya oğurlandığı təqdirdə hesabların bloklanmasına və bir sıra digər bank xidmətlərini həyata keçirməyə imkan verən real rejimdə, onlayn qaydada işləyən xidmət növüdür.

Azərbaycanda internet bankçılıq xidmətlərinin aktivləşdirilməsi, istifadəsi, xidmət haqları və digər məsələlərlə bağlı vahid qaydalar mövcud deyil. Əksər banklarda internet bankçılığı aktivləşdirmək üçün bank şöbəsinə müraciət lazım gəlir. Bir sıra banklar internet bankçılıq fəaliyyəti üçün aylıq və ya illik xidmət haqqı tələb etsə də, bəziləri bu xidmətləri pulsuz təklif edir.

 

Murad Məmmədzadə

                                                                                                           


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.