Data Plus istifadəçilərə kompensasiya verəcək

01-11-2017 / 14:05

Bir müddətdir istifadəçilərin Data Plus internet provayderinin xidmətindən istifadəsində çətinliklər yaşanıb. Belə ki, oktyabrın 25-dən 30-nə qədər provderin fəaliyyətində texniki  problemlər olub.

Sosial şəbəkələrdə istifadəçilər bununla bağlı ciddi narazlıqlarını bildirir.

Saytımıza da bu barədə rəsmi müraciətlər daxil olub.

Şirkətdən məsələ ilə bağlı Xeberler.az-a bildirilib ki, bu müddətdə texniki işlər görülməsi , avadanlıqların dəyişdirilməsi ilə bağlı abunəçilərə göstərdiyi xidmətdə (altı gün) dayanmalar müşahidə olunub.

Qeyd edilib ki, bunları nəzərə alaraq Data Plus MMC istifadəçilərə kompensasiya olaraq 15 gün daha sürətli internetdən pulsuz istifadə imkanı yaradacaq.

Şirkətin məlumatında qeyd edilib ki, hazırda məsələ araşdırılır, bu müddət daha da uzadıla bilər.

Data Plus-ın regionlarda olan bəzi istifadəçiləri isə bu hadisədən sonra internet xidmətinin daha da zəiflədiyini bildiriblər.

Şirkət bu məsələyə də aydınlıq gətirib. Belə ki, Data Plus vurğulayıb ki, əksinə hazırda abunəçilərin istifadəsində sürət limiti aradan qaldırılıb. Belə ki, indi onlar daha sürətli internet xidməti alır:

“Bu barədə şikayət edən müştərilərin də problemini araşdırırıq. Məlum olur ki, problem xətlərdədir. Bunun da aradan qaldırılması üçün hazırda rayonlardakı ATS-lərlə əlaqə saxlayıb, problem bildiririk. Yaranan narahatlıq üçün bütün abunəçilərimizdən kollektiv adından üzr istəyirik”.

Xatırladaq ki, bundan öncə əsas internet təchizatçısı olan Delta Telecom borclarla bağlı bu və digər iki provayderin internetini bağlayacağını bildirmişdi.

Məhz bundan sonra bəzi istifadəçilər bu provayderlərin xidmətində problem olduğunu qeyd etmişdi.

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.