Ötən il Android virusların sayı artıb

29-06-2015 / 11:17

Pulse Secure şirkətinin məlumatına görə, 2014-cü ildə Android mobil əməliyyat sistemli qurğulara qarşı yönələn virusların sayı 390 faiz artıb.

Xeberler.az bildirir ki, bu barədə RYTN-nin rəsmi saytında məlumat verilib.

Bu müddət ərzində şirkət tərəfindən populyar mobil platforma üçün nəzərdə tutulan 1 milyondan çox yeni zərərli proqram qeydə alınıb. Mütəxəssislərin hesablamalarına görə, ötən il Google şirkətinə məxsus əməliyyat sistemi dünyada bütün virusların 97 faizinin hədəfinə çevrilib.

Bundan başqa, zərərli proqramların növü xeyli genişlənib. Belə ki, hesabat dövründə tədqiqatçılar tərəfindən 1268 yeni virus ailəsi aşkar olunub ki, bu da 2013-cü ildən 464 ailə çoxdur.

Cinayətkarların ən populyar hədəfi, gözlənildiyi kimi, potensial qurbanların pulu olub. Hər onuncu virusun funksionallığı maliyyə informasiyasının və s. oğurlanması üçün nəzərdə tutulub.  

Müsbət tendensiyalardan biri əksər proqramların qeyri-rəsmi əlavələr mağazalarına köçməsi olub. Bu səbəbdən Pulse Secure mütəxəssisləri təhdidlərdən qorunmaq üçün ən effektiv üsul kimi rəsmi Google Play  servisindən istifadəni hesab edirlər.

 

Xeberler.az

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.