KOSMOS

Xeberler.az bildirir ki, Pakistan Elm və Texnologiya Naziri Favad Çaudri, ilk pakistanlı kosmonavtın 2022-ci ildə kosmosa göndəriləcəyini deyib. Son zamanlarda kosmos işlərini sürətləndirən inkişaf etmiş ölkələr, müxtəlif vəzifələrlə araşdırmalarına davam edir. Kosmos araşdırmalarından geri qalmaq istəməyən Pakistan, ilk kosmonavtını Çindən kosmosa göndərəcək. Pakistan Elm və Texnologiya Naziri Favad Çaudri, verdiyi şərhdə, 2022-ci ildə ilk pakistanlı kosmonavtın fəzaya göndəriləcəyini təsdiqlədi. Sosial media üzərindən şərh verən Çaudri, 2020-ci ilin fevral ayında 50 nəfərlik kosmonavt namizəd siyahısı hazırlanacağını söylədi.

50 nəfərlik namizəd siyahısı təyin olunduqdan sonra bu say 25-ə endiriləcək və bu namizədlər arasından kosmosa göndəriləcək ilk pakistanlı kosmonavt seçiləcək. Namizədlərin seçki və təlimləri isə Pakistan Hava qüvvələri tərəfindən ediləcək. İlk kosmonavtın kosmosa göndərilməsi, Pakistan kosmos tarixinin ən böyük addımı olaraq xarakterizə edilir. PAF-ın verəcəyi təlimlərdən sonra bir kosmonavtın fəzaya göndəriləcəyini izah edən Çaudri, Pakistanın daha əvvəl peyklərini Çindən kosmosa göndərdiyini xatırladaraq, kosmonavtın da Çindəki kosmos əsaslarından göndərilə biləcəyini dilə gətirdi. Çaudrinin şərhi, Hindistanın aya insansız vasitə göndərməsindən günlər sonra gəldi. Hindistan da 2022-ci ildə kosmosa insan göndərəcəyini eşitdirmişdi.