EDUTECH

Tələbə Qəbulu üzrə Dövlət Komissiyası tərəfindən bakalavriat səviyyəsinə qəbul olmaq istəyən abituriyentlər üçün keçiriləcək ilk sınaq imtahanına yazılışa başlanıb.

Ali təhsil müəssisələrinə daxil olmaq istəyən abituriyentlərin qəbul imtahanlarına daha səmərəli hazırlaşmalarına kömək məqsədi ilə aprelin 3-də cari il üçün ilk sınaq imtahanı keçiriləcək. İmtahan Respublikanın 29 şəhər və rayonunda olmaqla, 61 imtahan mərkəzində təşkil olunacaq.

Aprel ayının 3-də keçiriləcək sınaq imtahanlarına qeydiyyat fevralın 24-dən etibarən aparılır.

Xeberler.az-ın məlumatına görə, sınaq imtahanlarına yazılış xidməti istər müvafiq qurumun rəsmi səhifəsindən istərsə də "Elektron hökumət" portalı üzərindən mümkündür.

"Elektron hökumət" portalı üzərindən sınaq imtahanına necə yazılmaq olar?

www.e-gov.az portalına daxil olaraq "Qeydiyatsız xidmətlər" bölməsindən Tələbə Qəbulu üzrə Dövlət Komissiyasının xidmətləri sırasından "Sınaq imtahanına yazılış" elektron xidmətini seçin.
 
Sınaq imtahanına buraxılış vərəqi əldə etmək üçün açılan pəncərədə "Ödəmə kartları" bölməsində əks olunan https://rest.goldenpay.az/tqdk/ linkini seçib ödəniş edin.

Yeni istifadəçi kimi qeydiyyat keçmək üçün "YENİ İSTİFADƏÇİ" bölməsinə daxil olun. Açılan pəncərədə müvafiq xanaları qeyd edib "Qeydiyyatdan keçir" düyməsini seçin. 

Qeydiyyatdan keçib hesab açmısınızsa, istifadəçi adınızı və parolunuzu aşağıdakı uyğun sahələrə qeyd edib sistemə daxil olun.

Sınaq imtahanına buradan yazılın hissəsini seçin. 

Açılan pəncərədə sınaq imtahanının keçiriləcəyi məkan, ünvan və imtahana boş yerlərin sayı cədvəldə əks olunur. Abituriyent istədiyi imtahan məkanını seçə bilər. 

Açılan pəncərədə müvafiq xanaları qeyd etdikdən sonra "Qeydə al" düyməsini seçin.

Yekun mərhələdə sistem tərəfindən "İmtahana buraxılış vərəqəsi" formalaşdırılır.
Hazır formanı çap edə və ya kompüterin yaddaşına yaza bilərsiniz.

Xeberler.az