Bu gün Milli İnternet Mükafatı - MilliNet2025 münsifləri ilə MilliNet TK-nın görüşü keçirilib.
Xeberler.az bildirir ki, MilliNet TK tərəfindən qiymətləndirmə qaydaları yeni seçilən münsiflərə təqdim olunub.
MilliNet Qaydaları çərçivəsində 1-ci və 2-ci qiymətləndirmə mərhələləri və xüsusiyyətləri haqqında suallar cavablandırılıb.
MilliNet TK müsabiqənin şəffaf və ədalətli, Qaydalara uyğun olaraq keçirilməsi üçün zəruri addımlar atır.
MilliNet qaydalarına görə münsiflərin qiymətləndirməsi həlledicidir, hər hansı appelyasiya qəbul edilmir.
Münsiflərə aidiyyatı olan hər hansı resursun müsabiqədə iştirakına yol verilmir.
Münsiflərin 2-ci mərhələ qiymətləndirməsinin nəticələri yekun təqdimat mərasimindən sonra dərhal nominantlar üçün açıqlanır.
Hazırda MilliNet2025 yarışmasına layihələrin ( saytlar, rəqəmsal həllər, sosial resurslar, mobil tətbiqlər və s.) qəbulu davam edir.
15 noyabr tarixdə qeydiyyat başa çatacaq.
1-ci mərhələ səsverməyə noyabr ayında start veriləcək. Yekun təqdimat mərasimi dekabr ayında keçiriləcək.
