Rus dilində “Qarabağ ədəbiyyatı” elektron toplusu hazırlanır

05-08-2015 / 13:55

Azərbaycan Respublikasının Prezidenti yanında QHT-lərə Dövlət Dəstəyi Şurasının yardımı ilə rus dilində Qarabağ ədəbiyyatı elektron toplusu hazırlanır.

Mədəniyyət və Turizm Nazirliyindən Xəbərlər-ə verilən məlumata görə, Effektiv Təşəbbüslər Mərkəzi İctimai Birliyinin həyata keçirdiyi layihə orta əsrlərdən müasir dövrədək Qarabağda yaşayıb-yaratmış 100-dən çox şair, yazıçı və mütəfəkkirin bioqrafiyası, yaradıcılığı və əsərlərindən nümunələri ilk dəfə toplu halında rusdilli oxuculara təqdim edəcək. Toplu İctimai Birliyin 2009-cu ildən həyata keçirdiyi www.azerbaycanli.org - milli eyniyyətdən qlobal dünyaya pəncərə layihəsinin növbəti mərhələsidir. Qarabağ ədəbiyyatı toplusu www.azerbaycanli.org saytının rus versiyasında yerləşdiriləcək.

Mədəni irs hər bir xalqın yaşadığı torpaqda tarixini, qədimliyini sübut edən başlıca meyardır. Əzəli yurd yerimiz olan Qarabağda yaşayıb-yaratmış mütəfəkkir və ədiblərin zəngin irsi də bu baxımdan xüsusilə dəyərlidir. Bu irsin öyrənilməsi, tədqiq və təbliğ olunması, müxtəlif xarici dillərdə dünyaya çatdırılması böyük əhəmiyyət daşıyır. Rus dilində Qarabağ ədəbiyyatı toplusu da bu məqsədə xidmət edir.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.