Kitabların qorunması üçün elektron çiplərdən istifadə olunacaq

28-05-2015 / 14:05

Bu gün Mərkəzi Elmi Kitabxananın (MEK) yeni binasına AMEA-nın Əsas binasında yerləşən köhnə kitabxanadan kitabların köçürülmə prosesi başa çatdırılıb.

Xeberler.az-ın  məlumatına görə, ötən ilin noyabr ayından başlanan və tamamlanması 28 May Respublika Gününə təsadüf edən köçmə işi AMEA rəhbərliyinin, MEK-in işçi heyətinin, FHN Mülki müdafiə qoşunlarının Mülki müdafiə idarəsinin və Gənc Ərəbşünaslar Şəbəkəsinin dəstəyi ilə uğurla həyata keçirilib. Köçürülmüş 1 milyon 571 min kitab artıq qeydiyyata alınıb və yeni binanın informasiya materiallarının yanğından mühafizə məqsədilə xüsusi qazla təchiz olunmuş və lazımi temperatur-hava rejimini təmin edən kitab saxlanclarında yerləşdirilib.

Bundan başqa MEK-in kitab kolleksiyasının bir hissəsini təşkil edən, 17 min kitab ehtiyatına malik Nadir kitablar fondu və 75 min kitabı olan Şərq Ədəbiyyatı fonduna məxsus kitablar inventar nömrələrindən əlavə təhlükəsizlik sisteminə inteqrasiya edilmiş elektron çiplərlə təmin olunublar.

Yaxın müddət ərzində kitabxananın digər fondları olan Qərb Avropa Ədəbiyyatı, Rus Ədəbiyyatı, Azərbaycan Ədəbiyyatı və Mübadilə fondlarının kitablarına elektron çiplərin vurulması prosesi başa çatdırılacaq.

Qeyd edək ki, kitabxananın oxucuların istifadəsinə verilməsi 2015-ci ilin sentyabr ayına planlaşdırılır.

Sevinc Çəltikova


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.