Rus xakerlər Pentaqonun e-poçt sistemini ələ keçirdi

10-08-2015 / 10:54

ABŞ xarici işlər naziri Hillari Klinton, ötən həftələrdə Çin hökümətini kiber hücumlarla günahlandırmışdı. Bu dəfə isə Rusiya, ABŞ səlahiyyətliləri tərəfindən Pentaqona qarşı bir kiber hücum təşkili ilə günahlandırılır.

Xəbərlər-in xarici mətbuata istinadən verdiyi məlumata görə, böyük bir kiber hücum təşkil edən Rus xakerlər, Pentaqonun e-poçt sisteminə daxil olmağı bacarıb. İyulun 25-də reallaşan kiber hücumda, 4 min əsgərin və vətəndaş personalın məlumatlarının oğurlanmış ola biləcəyi ifadə edilir. Pentaqona məxsus e-poçt sistemi iki həftə bağlanaraq oflayn rejimdə  fəaliyyət göstərib.

NBC News-a verilən məlumata görə, hücumda çox qısa müddətdə  bir çox məlumatı avtomatik olaraq köçürən sistemdən istifadə olunduğu bildirilib. ABŞ səlahiyyətliləri, Rus xakerlərin ictimai şəbəkələrdə şifrələnmiş saxta hesablar istifadə etdiyini düşünür.

Hücumun Rusiya hökuməti tərəfindən yoxsa müstəqil şəxslər tərəfindən edildiyi dəqiq bilinmir. Pentaqon rəsmiləri, böyük gizli məlumatların ələ keçirilmədiyini, yalnız e-poçtlara daxil olunduğunu ifadə ediblər.

                                            Ağasəf Haqverdiyev


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.