Bu gün dünyada hakerlər günü qeyd olunur

30-04-2015 / 16:30

Dünyanın dörd bir tərəfindən gələn internet hakerləri İspaniyanın paytaxtı Madriddə görüşüb.

Xəbərlər-in verdiyi məlumata görə, Mundo Hacker (Dünya Xakerlər Günü) konfransına 500 xaker qatılıb.

Hakerlər konfransda rəqəmsal dünyada ictimai təşkilatları, özəl şirkətlər və fərdlərin təhlükəsizliyinin necə daha yaxşı ola biləcəyini, hansı şərtlərdə nə qədər təhdid olduğunu danışıb, həll təkliflərini müzakirə ediblər.

Seminarlarda İspaniyadan qatılan hakerlərdən Jesus Gonzalez, yalnız 100 dollara lazımlı materialların alınaraq, internetə ciddi zərərlər verə biləcək kiber hücumların hazırlanmasını izah edib.

İspaniyanın məşhur hakerlərindən Antonio Ramosda, hələ də bir çox şirkətin kiber təhlükəsizliyi üçün lazımlı investisiya etmədiyini, şirkətlərin bunun hələ də vacibliyini anlamamaqlarını  və xərcdən qaçdıqlarını söyləyib.

"Van Hauser" ləqəbli tanınmış alman hakeri Marc Heusler dünya üzərindəki haker sayını təxmin etmənin çətinliyindən bəhs edib. Heusler "Hər bir xakerin  fərqli bir məqsədi olduğunu və yenə də hər birinin özünə görə işləmə tərzinin ola biləcəyini unutmamalıyıq" deyib. Heusler "hacker" sözünün mənasını tam olaraq çox çətin olduğunu, hər kəsin bu adı özünə fərqli  bir şəkildə yaraşdırdığını ifadə edib.

Konfransda dünyada ən çox hakerlərin Rusiya, ABŞ, Almaniyaİsrail kimi ölkələrdə olduğu açıqlanıb. Bu ölkələrin xüsusilə milli təhlükəsizliklərini qorumaq üçün hakerləri ilə ortaq işlədiklərindən bəhs edilib. Xüsusilə İsraildə hökumət üçün çalışan haker sayının çox olduğu ifadə edilib.

Marc Heusler rəqəmsal təhlükəsizliyi təmin etmək istəyən hər kəsin və hər təşkilatın yaxşı bir xakerə ehtiyac duyduğunu söyləyərək, "Yaxşı bir haker rəqəmsal dünyada istədiyi bütün məlumata çatır. Xüsusilə hücum və quldurluq məqsədli işçilərin tutulması da hazırda çox çətindir. Əmək haqqı isə işin çətinliyinə görə dəyişə bilir" deyib.

                                                                                     

Ağasəf Haqverdiyev


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.