TƏDBİRLƏR

Proqram qərarların təchizatçıları sırasında dünyada liderləri olan SAP şirkəti Bakıda öz nümayəndəliyini açacaq.

“Azərbaycan qabaqcıl texnologiyaları tətbiq etməklə daha böyük uğurlar əldə edir. Bu gün dünyada məşhur olan SAP şirkəti Azərbaycanın dövlət müəssisələri ilə sıx əməkdaşlıq edir və bu əməkdaşlıq hər iki tərəf üçün səmərə gətirir”. Bu sözləri dünyada məşhur olan SAP şirkətinin baş meneceri Aleksandr Arnold Tbilisidə keçirilən konfransdakı çıxışında bildirib.

Xəbərlər-in məluamtına görə, qeyd olunub ki, SAP biznesin idarə olunması ilə bağlı proqram qərarların təchizatçıları sırasında dünyada liderdir və bazar kapitallaşması üzrə aparıcı proqram təminatı şirkətləri arasında üçüncü yeri tutur. Son illərdə SAP diqqətini müəssisələrin iş effektivliyinin və dəyərinin, yəni rəqabət gücünün, qoyulan kapitalın səmərəliliyinə, istehsal gücünə, bazara çıxma vaxtı və müştərilərin razı salınmasına yönəldir.

Şirkətinin MDB və Orta Asiya ölkələri üzrə meneceri Maksim Matyas  müsahibəsində deyib: “Biz konfransda Gürcüstan ilə əməkdaşlıq barədə danışdıq və Azərbaycanın rolundan, qazandığı uğurlardan söz açdıq. Qeyd olundu ki, şirkət MDB ölkələri, o cümlədən Azərbaycan ilə sıx əməkdaşlıq edir. İqtisadi cəhətdən inkişaf edən ölkə kimi, Azərbaycan dünyanın diqqət mərkəzindədir. Azərbaycanın bir çox təşkilatlarla, eləcə də SAP-la əməkdaşlığı başqa ölkələr üçün nümunədir”. Maksim Matyas həmçinin bildirib ki, SAP yaxın vaxtlarda Bakıda öz nümayəndəliyini açacaq. “Bu da, Cənubi Qafqaz və digər ölkələr ilə əməkdaşlığın inkişafına təkan verəcək”, – deyə Matyas vurğulayıb. (AZƏRTAC)