Saxta telefonu necə müəyyən etməli ?

26-03-2012 / 16:54
Son illərdə dünya üzrə qara bazarda saxta telefonların payı sürətlə artmaqdadır. Belə ki, son araşdırmalara görə 2011-ci ildə saxta telefonların ümumi sayı 200 milyon rəqəminə qalxmaqla dünya üzrə satılan 1.5 milyard telefon sayının təxminən 13%-ini təşkil edib.
Saxta telefonlar hamımız üçün — həm alıcılar, həm satıcılar, həm də dövlət üçün təhlükəlidir. Nəyə görə? Gəlin aydınlaşdıraq.

1. Saxta telefonu alarkən Siz ödədiyiniz məbləğin qarşılığını almırsınız. Beləki, 3G, WLAN, GPS və digər funksiyalar sadalayan saxta telefonlardan istifadə zamanı bu funksiyaların olmaması və ya düzgün işləməməsi ilə üzləşə bilərsiz. Hətta elə hal da ola bilər ki, telefonun əsas funksiyası olan zəng etmək belə mümkün deyil. Əsas səbəb isə bu telefonların aşağı qiymətə sata bilmək üçün mənşəyi və kimliyi bilinməyən istehsalçıların ucuz komponentlərdən istifadə etməsi və hazır malı sınaqdan keçirməməsidir.

2. Saxta telefon aldıqdan və onun saxta olduğunun şahidi olduqdan sonra Siz bu telefonu mağazaya geri qaytara bilməyəcəksiniz. Mağazadakı satıcı bu telefonun zəmanətsiz satıldığı üçün ucuz qiymətə olduğunu deyəcək və sizə «Xoşun gəlmir məhkəməyə ver» kimi sözlərlə Sizi başınızdan edəcək. Hətta saxta telefon normal işləsə belə çox güman ki, 6 aydan sonra tamamilə yararsız hala düşəcək və onu təmir etdirmək mümkün olmayacaq.

3. Əsas məsələlərdən biri isə bu saxta telefonların təhlükəli olması və insan sağlamlığına olan ziyanı ilə bağlıdır. Saxta telefonlar sınaqlardan keçib təsdiq edilmədiyi üçün istifadəçilər təhlükəli hallarla üzləşirlər. Saxta telefon istehsalçıları telefonun maya dəyərini aşağı etmək üçün qadağan edilmiş, təhlukəli maddələrdən istifadə edirlər. Telefon barareyasının qidalanması zamanı yarana biləcək təhlükəli hallar onları heç maraqlandırmır. Müqayisə üçün bildirək ki, Nokia şirkəti istehsal zavodunun dünyanın hansı ölkəsindən asılı olmayaraq hər zaman və hər yerdə Avropada etibarlı olan istehsal və istifadə standartlarını öz işində rəhbər tutur. Orijinal telefonlar, ehtiyyat hissələri və batareyaları milli və beynəlxalq təhlükəsizlik standartlarına uyğun olaraq ciddi şəkildə sınaqdan keçirilir. Bu sınaq otaqlarında gərginliyi, cərəyanı və daxili hərarəti yoxlayan cihazlardan istifadə edilir. Saxta telefonlar adı çəkilən standartların heç birisi ilə uyğunluq təşkil etmir. Çox hallarda, Siz əldə partlayan telefon batareyaları haqda xəbərləri oxuyursunuz. Belə hallar məhz saxta telefonlardan istifadə halları ilə bağlıdır.

4. Biznes cəhətdən isə orijinal telefon satan şirkətlər və mağazalar saxta telefon satıcılarına qarşı əlverişsiz düşdüyü üçün rəqabət qabiliyyətini itirir və bazarda zəif vəziyyətə düşürlər. Nokia şirkətinin də əsas istəyi onun rəsmi və orijinal malını satan şirkətlərə dəstək olmaqla alıcıların hüquqlarını qorumaqdır.

5. Saxta telefon satıcıları fəaliyyət göstərdiyi ölkənin iqtisadiyyatına da ciddi ziyan vururlar. Onlar gömrük rüsumlarından və vergilərdən yayınmaqla yanaşı istehlakçılara saxta telefon satmaqla sağlamlıqları üçün təhlükə yaradırlar.

6. Nəhayət, onu da qeyd etməliyik ki, orijinal telefon istehsalçıları saxta telefon bazarının inkişafı ilə əlaqədar olaraq ziyana uğrayır və məhsulun inkişafına yönələ biləcək gəlirlərini müəyyən hissəsini itirirlər.

Beləliklə, Siz saxta telefondan özünüzü qorumaq üçün nə etməlisiniz?

Çox zaman orijinal və saxta telefon arasındakı su kimi aydın olan fərqi hiss etmək olar. Məsələn «Nokia» deyil, «Nokoia» və ya «Nokla» olaraq qeyd edilən marka Nokia istehsalçılarının məhsulu ola bilməz. Telefonun üstündə rəsmi istehsalçının holoqramı yoxdursa və telefon zəmanət talonu olmadan satılırsa deməli sizə saxta telefon ilə aldatmaq istəyirlər.
Ancaq çox zaman, qara bazar satıcıları orijinal telefondan daha çətin ayırd edilə bilən telefonlar təqdim edirlər. Bu halda, diqqətli nəzarət Sizə kömək ola bilər. Alacağınız telefonun əsas funksiyalarını, istehsal edilən rənglərini, düymələrin yerləşmə qaydasını, kamera və digər xüsusiyyətləri bilməklə saxta telefonu orijinal telefondan ayırd edə biləcəksiniz. (Weboxu)

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.