MİLLİ NET

Milli İnternet Mükafatı – MilliNet2025 müsabiqəsinə layihələrin qəbulu davam edir.

Xeberler.az bildirir ki, bu barədə Təşkilat Komitəsi müraciət ünvanlayıb.

Müraciətdə qeyd edilib ki, rəqəmsal həll sahibləri, veb sayt, mobil tətbiq, süni intellekt layihəsi, sosial səhifə və ya rəqəmsal oyun müəllifləri yarışmada iştirak edə bilərlər.

MilliNet2025 müsabiqəsində qalib olmaq istəyənlər öz layihələrini millinet.az saytında aşağıdakı nominasiyalar üzrə qeydiyyatdan keçirə bilərlər:

1. İlin e-ticarət həlli

2. İlin innovativ həlli

3. İlin rəqəmsal sosial resursu

4. İlin rəqəmsal maliyyə həlli

5. İlin rəqəmsal hökumət həlli

6. İlin rəqəmsal təhsil resursu

7. İlin rəqəmsal səhiyyə və sağlamlıq resursu

8. İlin rəqəmsal biznes həlli

9. İlin rəqəmsal marketinq həlli

10. İlin rəqəmsal oyunu

11. İlin informasiya resursu

12. İlin süni intellekt həlli

13. İlin rəqəmsal mədəniyyət və turizm həlli

Təşkilat Komitəsindən bildirilib ki, MilliNet-də iştirak tamamilə ödənişsizdir. Müsabiqə çərçivəsində qalibləri noutbuk, planşet, telefon və digər qiymətli hədiyyələr gözləyir.

Layihənizi tanıtmaq, populyarlaşdırmaq və ölkənin aparıcı rəqəmsal mükafatını qazanmaq fürsətini qaçırmayın!

Qeydiyyat üçün son tarix: 15 noyabr 2025.
Ətraflı məlumat üçün: www.millinet.az