TƏDBİRLƏR

Bu günlərdə Bakıda ümumtəhsil məktəblərinin texniki heyəti (laborantlar) üçün “Kompüter avadanlığının profilaktikası və şəbəkənin əsasları” mövzusu altında treninqlər keçirilir. Bu barədə SİA-ya İKT İnformasiya Mərkəzindən məlumat verilib. Treninqlər hazırda Azərbaycan təhsil şəbəkəsinə (AZEDUNET) qoşulan ümumtəhsil məktəblərinin 200 əməkdaşı üçün təşkil olunub. Məktəblərin texniki heyətinin hazırlanması AZEDUNET-in təlimatçıları tərəfindən həyata keçirilir.

AZEDUNET layihəsindən verilən xəbərə görə, layihə çərçivəsində texniki dəstək üçün qaynar xətti fəaliyyət göstərir. Treninqlərin əsas məqsədi – məktəblərin kompüter və şəbəkə avadanlığının istismarı və profilaktikasi sahəsində laborantların biliklərinin standartlaşdırılmasıdır. Treninqlərin təcrübi istiqamətlənməsi laborantlara müəyyən səviyyədə kompüter parkını avtonom şəkildə idarə etməyə və məktəblərin şəbəkə avadanlığını istismar etməyə imkan verəcək.

Treninqlər bitdikdən sonra laborantlar testdən keçirlər. Təcrübə göstərir ki, onlar orta hesabla 85-90% müsbət nəticə verirlər. Qeyd edək ki, treninqlər “2008-2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı” çərçivəsində keçirilirlər. SİA

xeberler.az