Sərhəd-keçid məntəqələrində ciddi islahatlar olacaqmı ?

06-09-2019 / 15:13

Xeberler.az bildirir ki, ötən gün Dövlət Gömrük Komitəsi və Dövlət Sərhəd Xidməti generalları yenidən sərhəd-keçid məntəqəsində olublar.

Məsələ ilə bağlı bir neçə gün öncə Azərbaycan İnternet Formunun Prezidenti, ekspert Osman Gündüzün “DGK və DSX paralelçiliyi nə zaman aradan qaldırılacaq ?” başlıqlı yazısını təqdim etmişdik. Mediada da  mövzu xeyli müzakirə olundu. 

Həmin yazıdan sonra hər iki qurumun generalları yenidən sərhəddə olublar. Ekspert onların görüşünü bu cür qiymətləndirib: 

"Bu dəfə də hər iki qurumun rəhbərləri, Dövlət Sərhəd Xidmətinin rəisi, general-polkovnik Elçin Quliyev və Dövlət Gömrük Komitəsinin sədri, gömrük xidməti general-leytenantı Səfər Mehdiyev "Qırmızı Körpü"-də olublar. Yenə də “həmin kordinat, həmin dalğadır”.

Generallar sərhədkeçmə məsələlərinin daha da təkmilləşdirilməsi, sərhəd və gömrük nəzarətinin sürətləndirilməsi və daha səmərəli təşkilinə dair tapşırıqlar verib geri dönüblər.

Dəfələrlə qeyd etmişik ki, son dövrlər bu sahədə müəyyən uğurlar əldə edilib. Lakin daha ciddi təkmilləşmə üçün ciddi islahatlar aparılmalıdır . Və bu, DGK və DSX rəhbərləri səviyyəsində gerçəkləşəcək bir iş də deyil.

Ötən dəfə DGK və DSX münasibətlərinin yenidən hüquqi tənzimlənməsi və Gömrük Məcəlləsinin yenidən işlənməsi ilə bağlı, bir qədər konseptual xarakterli təkliflər vermişdim.

Bu dəfə təkliflərimiz daha konkretdir.

1. Bizdə sərhəd-keçid məntəqəsində 2 Pəncərə var : DGK və DSX. Pəncərələrin sayı 1 olmalıdır. Bunun üçün qanunvericilik dəyişməlidir.

DGK və DSX generalları iki gündən bir sərhədə gedincə, bu istiqamətdə faydalı təkliflər hazırlayıb hökumətə təqdim etsələr daha doğru olardı.

2. Düşünürəm ki, DSX sərhəd-keçid məntəqəsində sənədləşmə ilə bağlı məsələlərə, kağız-kuğuz işlərinə qarışmamalıdır, yalnız sərhəd zolağında olmalıdır.
Fikrimcə sərhəddə Stopla bağlı, vətəndaşla bağlı məsələlər Dövlət Miqarsiya Xidmətinə verilə bilərdi.

3. Vətəndaşın pasportu və maşının texniki pasportu hazırda hər iki Pəncərədə qəbul edilərək məlumatlar təkrar–təkrar kompüterə daxil edilir. Çünki DGK və DSX informasiya sistemləri bir-birinə inteqrasiya olunmayıb. Hərə özü üçün məlumat bazası formalaşdırıb.

Düşünürəm ki, istənilən tip məlumatlar yalnız bir pəncərədə və bir kompüterə, yalnız bir dəfə daxil edilmıəlidir. Əgər hər iki qurumun informasiya sistemləri İAMAS “giriş-çıxış sistemi”nə inteqrasiya olunubsa onda düşünürəm ki, hər iki qurum yalnız DGK-ya məxsus vahid bir informasiya sistemindən istifadə edə bilərdi. Bu informasiya sisteminin İAMAS-dakı statusunu genişləndirmək olardı.

4. Sərhəd keçid məntəqəsində Pasport 4 yerdə ( Girişdə, hər iki Pəncərədə və çıxışda ) yoxlanılır. Hər iki qurum bunun fərqində olmalıdır.

5. Maşınlara verilən birka ləğv olunmalıdır.

6. Sərhəd-keçid məntəqəsində normal iş şəraiti yaradılmalı, əməkdaşlara tez-tez təlimlər keçirilməli, gözləmə zalları, piyadaların keçid yerləri qaydaya salınmalıdır.
Fikrimcə, DGK-nın istifadəyə verməyə hazırlaşdığı “Elektron növbə ” xidməti də sərhəd-keçmə prosesini xeyli təkmilləşdirəcək.

Düşünürəm ki, DGK-nın istifadəyə verməyə hazırlaşdığı “Elektron növbə ” xidməti də sərhəd-keçmə prosesini xeyli təkmilləşdirəcək.

Yüksək gömrük rüsumları, şəxsi məqsəd üçün gətirilən mallarla bağlı vətəndaşlara tətbiq olunan məhdudiyyətlər, analoqu olmayan avtomobil gömrük rüsumları isə ayrı bir müzakirə mövzusudur".

 

 

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə