PROQRAMLAR

Xarici ölkələrə insanlar daha çox istirahət və təhsil almaq məqsədi ilə gedirlər. Həmin ölkələrə ilk dəfə gedirsinizsə, bu sizə biraz çətinlik yarada bilər. Bu zaman sizə mobil tətbiqlər kömək edə bilər.

Xeberler.az bu dəfə xarici ölkələrə səyahət zamanı istifadə edə biləcəyiniz mobil tətbiqləri təqdim edir.

 TripCase

iOS istifadəçilərinin ən çox istifadə etdiyi bu proqram Apple saatlar üçün bu yaxınlarda təqdim olunub. Proqram öz marşrutlarını planlaşdırmaq istəyənlər üçün nəzərdə tutulub. Bu proqram vasitəsilə bilet ala, taksi sifariş edə bilərsiniz. Siz həmçinin uçuş zamanı olan dəyişikliklərdən bu proqramın köməyi ilə öyrənə biləcəksiniz.

Booking Now

Bu proqram vasitəsilə gedəcəyiniz ölkədə olan otellərdə yer sifariş edə biləcəksiniz. Belə proqramlar çox olsa da Booking Now onların içərisində ən qədimidir.  Bu tətbiq daha çox neçə gün qalacağını bilənlər üçün əlverişlidir.

Uber

Səyahət edəcəyiniz ölkəni gəzmək üçün etibarlı nəqliyyata ehtiyacınız olacaq. Bu zaman Uber mobil tətbiq sizin köməyinizə gələcək. Uber 57 ölkədə fəaliyyət göstərir. Siz bu mobil tətbiqlə taksi sifariş edə və xəritədə harda olduğunuzu görə biləcəksiniz.

Trip Advisor

Səyahət etdiyiniz ölkədə otel, restoran, tur avtobusu sifariş etmək istəsəniz bu proqram vasitəsilə bu istəyinizi reallaşdıra biləcəksiniz. Burda otel və restoranların qiyməti qeyd olunduğuna görə büdcənizə uyğun yerləri seçə bilərsiniz.

Google Translate

Xarici dil biliyiniz yoxdursa və səyahət etmək qərarına gəlmisinizsə Google Translate vasitəsilə həmin ölkədə özünüzü rahat hiss edəcəksiniz. Mobil tətbiq 90 dildə oflayn tərcümə etmək xüsusiyyətinə malikdir.

Wattpad

Səyahət zamanı Wattpad mobil tətbiqi kitabsevərlərin istifadə etdiyi ən populyar proqramdır. Bu proqram vasitəsilə xarici ədəbiyyatla yanaşı Azərbaycan dilində olan kitabları da oxumaq mümkündür.

Shazam

Getdiyiniz ölkədə restoran və ya küçədə eşitdiyiniz mahnının adını bu proqram vasitəsilə öyrənmək mümkündür.

Skype

Skype vasitəsilə xarici ölkədə olan zaman qohumlarınız və ya dostlarınızla əlaqə saxlaya bilərsiniz.

İnstagram, Facebook və Twitter

Səyahət etdiyiniz zaman sosial şəbəkələrin mobil tətbiqlərinin köməyi ilə şəkil və fikirlərinizi dostlarınızla bölüşə bilərsiniz.

Sevinc Əsədova