Siyəzən kitabxanasında internet şəbəkəsi quraşdırılıb

25-08-2015 / 10:44

Siyəzən Rayon Mərkəzi Kitabxanasında oxucu auditoriyasını genişləndirmək məqsədilə wi-fi internet şəbəkəsi quraşdırılıb. Kitabxanaların fəaliyyətinin təkmilləşdirilməsi, fondların müasir informasiya daşıyıcıları ilə zənginləşdirilməsi istiqamətində görülən işlər çərçivəsində atılan bu addım oxucuların ürəyincədir.

Xeberler.az AZƏRTAC-a istinadən məlumat verir ki, indi oxucular pulsuz internetdən yararlanmaqla kitabxana əməkdaşlarının təlimatları əsasında lazımi ədəbiyyatların elektron variantlarını əldə edə bilirlər.

Siyəzən Rayon Mərkəzləşdirilmiş Kitabxana Sisteminin ümumilikdə 10 min 200 nəfərə yaxın oxucusu var. Onlardan 5 min 646-sı fəal oxucudur.

Kitabxananın ümumi kitab fondu 84 min 500 nüsxədən çoxdur. Kitabların 81 min 500-ü Azərbaycan, 3 mini isə əcnəbi dillərindədir. Bu ilin ötən dövrü ərzində daha 417 nüsxə yeni kitab oxucuların ixtiyarına verilib.

Siyəzən Rayon Mərkəzləşdirilmiş Kitabxana Sistemi şəbəkəsinə Mərkəzi Kitabxana və 14 kənd kitabxanası daxildir.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə