TƏDBİRLƏR

Azərbaycan Milli Kitabxanası elektron poçt vasitəsi ilə kitab sifarişi xidmətləri göstərməyə başlayıb.

APA-nın məlumatına görə bu xidmətdən istifadə etmək üçün sifarişçi kitabxanaya gəlməzdən öncə elektron poçt vasitəsi ilə ona lazım olan kitabı sifariş edir və kitabın kitabxananın fondundan mövcudluğu haqqında cavab alır.

Qeyd edək ki, sifarişlər kitabxanada qeydiyyatda olan oxuculardan qəbul edilir. Qeydiyyatdan keçmək üçün kitabxananın rəsmi saytında onlayn-qeydiyyat sistemi fəaliyyət göstərir və oxucular müvafiq anketi doldurub, 2 foto şəkil əlavə edərək kitabxananın elektron poçt ünvanına göndərməlidir.Bütün bu əməliyyatlar ABŞ-ın avtomatlaşdırılmış kitabxana-məlumat sistemi olan VTLS (Virginia Technical Library System) vasitəsi ilə həyata keçirilir.

Bu sistem Milli Kitabxana tərəfindən Soros Fondunun qrantı hesabına alınıb və quraşdırılıb. Layihə 2007-2013-cü illər üçün nəzərdə tutulmuş Azərbaycan kitabxanalarının inkişafı Proqramı çərçivəsində həyata keçirilir. Proqram elektron kataloq şəbəkəsinin yaradılması, Azərbaycan ədəbiyyatının virtual kitabxanasının formalaşdırılması, kitabxanalar üçün xüsusi binaların tikintisi, ölkənin tarixi irsinin uzun müddət saxlanılması üçün texnologiyaların və metodların tərtib edilməsi, kitabxanaların, nəşriyyatların və kütləvi informasiya vasitələrinin vahid məlumat mühitinin yaradılmasını nəzərdə tutur.