Startaplar üçün “Growth Hacking” mövzusunda seminar keçirilib

02-05-2016 / 10:58

Baku Business Factory-də “Growth Hacking” mövzusunda seminar təşkil edilib.

Mərkəzdən Xeberler.az-a verilən məlumata görə, aprelin 30-da təşkilatın ofisində startaplar və bizneslə məşğul olmaq istəyən şəxslər üçün “Growth Hacking” mövzusunda seminar təşkil edilib.

Seminarın əsas mövzusu yeni marketinq vasitəsi kimi “Growth Hacking” olub.

 “Growth Hacking” kiçik büdcə ilə böyük işlər görə bilmək üçün müxtəlif fəaliyyətləri əhatə edən və dijital platformanın yaratdığı bütün imkanlardan faydalanmağı önə çıxaran marketinq strategiyasıdır. “Growth Hacker”lər ənənəvi bahalı marketinq vasitələrinin yerinə daha ucuz və daha effektiv həll yolları təklif edirlər. Əsas vasitələr sosial media, viral marketinq və SEO-dur. Seminarın əsas məqsədi gənclərin öz bizneslərini qurarkən texnologiyanın onlar üçün yaratdığı geniş və ucuz imkanlar haqqında onları məlumatlandırmaq olub.

Seminar Tor Digital Agency və Moblamanın təsisçisi və direktoru, Sankt Peterburq şəhərində yerləşən Trace Games şirkətinin həmtəsisçisi Toğrul Səmədov tərəfindən keçirilib.

Seminarda Baku Business Factory-də qeydiyyatda olan startaplarla yanaşı, mövzuya marağı olan digər şəxslər də iştirak edib.

 

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.