İKT TƏHSİL

Azərbaycanda ilk dəfə olaraq “İTE Təhsildə İnnovativ Texnologiyalar” əlavə təhsil mərkəzi və Təhsil Nazirliyinin birgə əməkdaşlığı çərçivəsində Bakı şəhəri üzrə seçilmiş 28 məktəbdə “Təlim keçmiş müəllimlər və inzibati-idarəetmə həyətinin İKT-nin tədrisdə tətbiqini dəstəkləmək məqsədi ilə mentorluq xidmətinin təşkili” layihəsi həyata keçirilir.

Xeberler.az bildirir ki, layihənin məqsədi müxtəlif İKT təlimlərindən keçmiş müəllimlər və inzibati-idarəetmə heyəti üzvlərinə İnformasiya Kommunikasiya Texnologiyalarının (İKT) təhsildə tətbiqi və müəllimlərin peşəkarlıq səviyyəsinin təkmilləşdirilməsi istiqamətində mentorluq xidmətinin təşkilidir.

Layihə çərçivəsində xidmət göstərən mentorlar dəstək göstərdikləri müəllimlərlə fərdi görüşlər təşkil edir. Layihənin məqsədlərinə uyğun olaraq mentorlar müəllimlərə İKT-nin təhsildə tətbiqi ilə yanaşı, onlara kurikulumun, uşaq↔valideyn↔müəllim↔şagird münasibətlərinin qurulması və tənzimlənməsinə də  dəstək göstərib.

Layihənin ilkin mərhələsi olaraq mentorluq xidməti göstərilən müəllimlər MS Office Publisher proqramı vasitəsi ilə maarifləndirici buklet və pankartlar hazırlayıb, daha sonra psixoloji təcavüzə dair internetdən şəkillər, video çarxlar və digər yükləmələr edib.

Layihənin üçüncü mərhələsi məktəbin akt zalında təşkil edilib. Müxtəlif siniflərdə təhsil alan şagirdlərin valideyinlərinə müəllimlər tərəfindən MS Power Point proqramı vasitəsi ilə təqdimatlar nümayiş etdirilib, həmçinin veb 2.0 alətlərinin köməyi ilə videoçarxlar hazırlanıb və valideynlərə göstərilib.

Ruhəngiz Muradova