TQDK virtual seminar-məşğələ keçirib

25-04-2011 / 18:56
Seminar-məşğələ Ali təhsil müəssisələrinə və tam orta təhsil bazasında orta ixtisas təhsili müəssisələrinə ərizə qəbulu sisteminə həsr olunub

Bu gün Tələbə Qəbulu üzrə Dövlət Komissiyası (TQDK) cari tədris ili üçün respublikanın ali təhsil müəssisələrinə və tam orta təhsil bazasında orta ixtisas təhsli müəssisələrinə ərizə qəbulunun aparılması ilə bağlı Sənəd Qəbulu Komissiyaları (SQK) ilə seminar-məşğələ keçirib. 

TQDK-nın mətbuat xidmətindən verilən məlumata görə, seminarda TQDK-nın inzibati binasından Komissiyanın Naxçıvan, Gəncə, Lənkəran, Quba və Şəki regional bölmələri ilə canlı videobağlantı qurulub və respublikanın bütün bölgələrində yaradılmış SQK nümayəndələri tədbirdə iştirak ediblər. 

Seminar-məşğələni giriş sözü ilə açan TQDK-nın Təşkilat şöbəsinin müdiri Arzu Bağırov cari ildə qəbul imtahanlarında iştirak etmək üçün abituriyentlərin aprelin 20-dən mayın 31-dək internet vasitəsilə elektron ərizə dolduracaqlarını və tələb olunan sənədləri aprelin 27-dən mayın 31-dək müvafiq SQK-ya təqdim etməklə həmin ərizələrini təsdiq etdirəcəklərini xatırladıb. Bununla əlaqədar olaraq SQK üzvlərinin üzərlərinə düşən vəzifələri xatırladan Arzu Bağırov abituriyentlərin rahat şəkildə ərizələrini təsdiq etdirmələri üçün lazımi şəraitin yaradılmasını vacib sayıb. 

Arzu Bağırov ərizə qəbulu ilə bağlı bütün məlumatların “Abituriyent” jurnalının 2-ci sayında dərc olunduğunu, Komissiyanın internet saytında yerləşdirildiyini, həmçinin Kütləvi İnformasiya Vasitələrində bu proseslə bağlı müntəzəm çıxışlar ediləcəyini bildirib. O, SQK nümayəndələrinin də gənclərin maarifləndirilməsi istiqamətində çalışmalı olduğunu vurğulayıb: “Bütün SQK-larda qəbul elanları və qaydaları lövhələrdə yerləşdirilməlidir ki, bizim jurnalı əldə edə bilməyən və ya internetə çıxış imkanı məhdud olan gənclər sənəd qəbulu ilə bağlı məlumatlarla tanış olsunlar. Onlara operativ və düzgün informasiya verilməli, çətinlik çəkdikləri məsələlər izah olunmalıdır”.

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.