RƏQƏMSAL DÜNYA

Dünən gecə yarısından başlayaraq Türkiyədə  bəzi sosial media platformalarına girişdə çətinliklər yaşanır.

Xeberler.az bildirir ki, bu barədə Türkiyə mediası məlumat dərc edib.

Türkiyənin məşhur texnologiya saytı webtekno-nun məlumatına görə, səhər saatlarından başlayaraq Türk Telecom-un  həm ADSL həm, də mobil internetinə daxil olmaq mümkün deyil.

Qeyd edilir, səhərə yaxın yaşanan internet probleminə görə Türk Telekom istifadəçiləri ADSL və mobil internetdən istifadə edə bilmir.

Bəzi bölgələrdə ADSL xidməti  çox aşağı sürətdə mövcud olsa da, mobil internetə heç bir şəkildə giriş təmin edilə bilməyib.

Sosial mediada Türk Telecom-la yanaşı, bəzi Turkcell istifadəçiləri da internetə çıxışın təmin edilməməsi istiqamətində ciddi narazılıqlarını paylaşıb.

Xeberler.az webrazzi-yə istinadən məlumat verir ki, WhatsApp, Twitter, Facebook və YouTube-a da daxil olmaq ölkə səviyyəsində hələlik mümkün deyil.

Problemin yeni rəsmi qərarlardan qaynaqlanıb- qaynaqlanmadığı hələlik məlum deyil.

Türkiyə mediası bildirir ki, bununla bağlı rəsmi şərh də verilməyib.

Türkiyədə əvvəllər Facebook, Twitter və YouTube hətta, Instagram üçün belə qadağaların, qəraraların verildiyini nəzərə alsaq, WhatsApp-ın da bu siyahıya daxil edilməsi yeni xəbərdir.

Qeyd edək ki, dünya səviyyəsində hökumətlərin WhatsApp və digər sosial şəbəkələri bağlama qərarlarının böyük əksəriyyəti, bu şəbəkələrdən məzmun silinməsi və ya mesaj məzmununun paylaşılması tələblərinin qarşılanmaması vəziyyətlərində alınır.

Türkiyədəki problemin isə səbəbi hələlik məlum deyil.

Xeberler.az