SOSİAL MEDIA

Məlum olduğu kim, Türkiyədə məşhur bulud servisi  Dropbox-a daxil olmaq əngəllənib.

Xeberler.az-ın məlumatına görə, Redhack-in bir sıra faylları dağıtması nəticəsində əngəllənən bu servisdən hazırda istifaçilər faydalana bilmir. Oktabrın 8-də baş verən bu hadisədən sonra platformanın ana səhifəsinə giriş mümkün deyil. 

Bunun nə qədər davam edəcəyi isə məlum deyil.

Qeyd edək ki, həmən gün oxşar faylların Google Drive-da  olması Google Drive-a girişi də bir müddət əngəlləyib. Daha sonradan Drive-nin işlədiyi görünür.

Bununla yanaşı,  Github-a da  daxil olmaq mümkün deyil.

Məsələ Azərbaycanda da İT mütəxəssislər arasında ciddi müzakirəyə səbəb olub.

Bəziləri qeyd edir ki,  hökumətdəki bəzi nazirlərin mailləri hack edilib və Dropbox-a qoyulub.

Digərləri isə qeyd edir ki, məsələ Redhack- lə bağlantısı olan 6-7 tələbənin həbs edilməsi ilə başlayıb. Belə ki, Redhackla bildirib ki, həmin tələbələrin onlarla əlaqəsi yoxdur və tələbələrin azad edilməsi üçün vaxt müəyyən ediblər. Əks təqdirdə əllərində olan məlumatları paylaşacaqlarını deyiblər.

Qarşı tərəf buna əhəmiyyət verməyib və xaker qrupu da onlarda olan məlumatları ictimailəşdirib.

Ekspertlər Türkiyə kimi  ölkədə belə qadağanın tətbiq edilməsindən təəccübləndiklərini bildirir.

Türkiyə məsələ ilə bağlı rəsmi açıqlama verməyib.

Günel