Ukraynaya “.ukr” milli domeni ayrılıb
04-03-2011
03:06
İnternet ünvanların və adların verilməsi ilə məşğul olan beynəlxalq ICANN təşkilatı Ukrayna üçün milli “.ukr” kiril domeninin ayrılması haqqında qərar qəbul edib. Xeberler.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, Ukrayna hökumətində hesab edirlər ki, bu qərar ölkədə informasiya cəmiyyətinin qurulması baxımdan önəmli addımdır.
Bundan sonra informasiya resursları daha əlçatan olacaq. Çünki burada artıq Ukrayna dillindən istifadə etmək mümkündür.
Elm, innovasiya və informasiya məsələləri üzrə dövlət agentliyinin rəhbəri Vladimir Semijenko bu xəbəri “internet-cəmiyyətdə dünya miqyaslı bir hadisə” adlandırıb. Bununla belə, Vladimir Semijonkonun sözlərinə görə, milli domenə keçid üçün texniki infrastruktur müvafiq hazırlıq səviyyəsinə gətirilməlidir. Bu məsələ ilə isə 2003-cü ildə yaradılmış Ukrayna şəbəkə informasiya mərkəzinin Əlaqələndirilmə Şurası məşğul olacaq.
