Windows 10-da məlumatlara giriş üçün icazə tələb olunacaq

18-09-2017 / 11:49

Microsoft şirkəti 17 oktyabr tarixində çıxarılacaq Windows 10 əməliyyat sisteminin yenilənməsində (Fall Creators Update) proqramların kompüter sistemləri və istifadəçi məlumatlarına giriş siyasətinə aid olan bir sıra dəyişikliklər tətbiq edəcək.

Xeberler.az NRYTN-in elektron xəbər xidmətinə istinadən məlumat verir ki, indi quraşdırmadan sonra bütün proqramlar işə başlamazdan öncə qurğunun kamerası, mikrofon, kontakt, təqvim və başqa məlumatlara giriş üçün icazə istəyəcəklər.

Android mobil əməliyyat sisteminin son versiyalarında proqramların hüquqları məhz bu qaydada tənzimlənir.

Bildirək ki, cari ilin aprelində Microsoft şirkəti tənqidçilərin təzyiqi altında onun əməliyyat sistemi tərəfindən toplanılan məlumat tiplərinin tam siyahısını təqdim etməyə dair qərar verib.

"Biz ilk dəfə standart səviyyədə toplanılan diaqnostik məlumatların tam siyahısını dərc edirik – “Windows”un top meneceri Terri Mayerson deyib.

Microsoft tərəfindən toplanılan məlumatlara baxmağa imkan verən alət Windows 10 sisteminin son yenilənməsinin (Creators Update) tərkibinə daxil edilib.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.