Xərcim.az-da hansı yeniliklər olacaq?

01-09-2015 / 18:29

Sadiqlik kartlarını mobil telefonda saxlayan və xüsusi təkliflər təqdim edən Xərcim.az tətbiqində yaxın zamanlarda yeniliklər təqdim ediləcək.

Xeberler.az-ın əldə etdiyi məlumata əsasən, Xərcim.az komandası tətbiqə iBeacon texnologiyasını inteqrasiya ediblər. iBeacon texnologiyası Bluetooth Low Energy əsasında işləyir və istifadəçilərə yerləşdikləri məkana uyğun olaraq təklif və məlumatlar almaq imkanını təmin edir. Məhz bu imkandan istifadə edərək, Xərcim.az istifadəçiləri xüsusi nişan olan məkanlarda, eksklyuziv təkliflərdən yararlana biləcəklər.

Komanda ibeacon texnologiyasından ilk olaraq şəhərimizin supermarketləri, ticarət mərkəzləri və digər ictimai yerlərdə tətbiq etməyi planlayır. Artıq bir neçə şirkət ilə razılıqlar əldə edilib və texnologiyanın tətbiqinə hazırlıqlar işi başlayıb.

Tətbiqdə həmçinin digər nəzərə çarpan dəyişikliklər də olacaq:

İlk növbədə tətbiqin Andorid versiyasının dizaynında Material dizayn stili tətbiq ediləcək. Bundan əlavə tətbiqin logo və ikonu da dəyişdirilib.

Kartlar bölməsində təqdim edilən kartlar ilə yanaşı istifadəçilər siyahıda olmayan, istədikləri kartları da yaddaşa verə biləcəklər.

Tətbiq 3 bölmədən Kartlar, Aksiyalar və Yerlər bölməsindən ibarət olacaq.

Əlavə olaraq tətbiqə bir neçə kartın rəsmi inteqrasiyası də nəzərdə tutulub ki, bu inteqrasiyanın sayəsində istifadəçilər sadiqlik kartları üzrə topladıqları bonus balanslarını da görə biləcəklər.

Komdan həmçinin tətbiqin iOS və Windows Mobile versiyaları üzərində də işlədikləri barədə məlumat vermişdir. Tətbiqin yaxın günlərdə yenilənməsi gözlənilir.

 

Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.