Xercim.az-ın adı və dizaynı dəyişdi

06-10-2015 / 13:24

Sadiqlik kartlarını mobil telefonda saxlamağa imkan verən və xüsusi təkliflər təqdim edən Xərcim.az tətbiqi yenilənib.

Xeberler.az tətbiqdə olan yenilikləri təqdim edir:

 İlk olaraq diqqəti çəkən tətbiqin adında edilmiş dəyişiklikdir. Belə ki, tətbiqin ingilis və rus dilli versiyaları “iKeebon” adlanır. Layihədən Xeberler.az-a verilən məlumata görə, bu tətbiqin beynəlxalq bazara çıxarılması istiqamətində ilk addımdır. Belə ki, tətbiq 3 dilə tərcümə edilib və istifadəçinin istəyinə uyğun işlədilə bilər.

Nəzərə çarpan dəyişikliklərdən digəri isə tətbiqin dizaynıdır. Belə ki, tətbiq təmamilə material dizaynda hazırlanıb və istifadəçi interfeysi rahatlaşdırılıb.

Digər bir yenilik isə, Xərcim.az - iKeebon tətbiqinə iBeacon texnologiyasının inteqrasiya edilməsidir.

Qeyd edək ki, iBeacon texnologiyası Bluetooth Low Energy əsasında işləyir və istifadəçilərə yerləşdikləri məkana uyğun olaraq Bluetooth kanalı vasitəsilə gizli təklif və məlumatlar almaq imkanını təmin edir. Məhz bu imkandan istifadə edərək, Xərcim.az - iKeebon istifadəçiləri xüsusi nişan olan məkanlarda, ekskluziv təkliflərdən yararlana biləcəklər.

Bu texnologiya Azərbaycan bazarı üçün  yenilikdir və ilk olaraq Xərcim.az - iKeebon tətbiqində istifadə edilib.

Komanda iBeacon texnologiyasından ilk olaraq şəhərimizin supermarketləri, ticarət mərkəzləri və digər ictimai yerlərdə tətbiq etməyi planlayır.

Layihə komandasından  Xeberler.az-a bildirilib ki, artıq bir neçə şirkət ilə razılıqlar əldə edilib və texnologiyanın tətbiqinə başlanıb.

Kartlar bölməsində təqdim edilən kartlar ilə yanaşı istifadəçilər siyahıda olmayan, istədikləri kartları da yaddaşa verə biləcəklər. Əlavə olaraq tətbiqə bir neçə kartın rəsmi inteqrasiyası də nəzərdə tutulub ki, bu inteqrasiyanın sayəsində istifadəçilər sadiqlik kartları üzrə topladıqları bonus balanslarını da görə biləcəklər.

Xercim.az komandası bildirib ki, tətbiqin iOSWindows Mobile versiyaları üzərində də işlədikləri barədə məlumat verib. Tətbiqin yeni versiyasını buradan yükləmək olar.

Məltəm Talıbzadə 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.