Yaponiyanın nümayəndə heyəti Azərbaycana niyə gəlir?
«APA-Economics»in məlumatına görə, Yaponiyanın nümayəndə heyətinin təmsil etdiyi dövlət və özəl qurumlara ölkənin İqtisadiyyat, Ticarət və Sənaye Nazirliyi, Yaponiyanın Azərbaycandakı səfirliyi, «Mitsubishi Electric Corporation», «Nippon» elektrik korporasiyası, «IHI Corporation», «IHI Aerospace Co.», «PASCO», «JAMSS», «Sumitomo», «Itochu Corporation», Yaponiya Kosmos Forumu, Yaponiya Aerokosmik Tədqiqat Agentliyi, Yaponiya Kosmos Sistemləri, Yaponiya Uzaqdan İdarəetmə Mərkəzi, Yaponiya aerokosmik şirkətləri cəmiyyəti daxildir.
Fevralın 28-dək davam edəcək səfər çərçivəsində Azərbaycan Rabitə və İnformasiya Texnologiyaları Nazirliyi, Yaponiya İqtisadiyyat, Ticarət və Sənaye Nazirliyi və Yaponiyanın Azərbaycandakı səfirliyinin birgə təşkilatçılığı ilə fevralın 27-28-də Bakıda «Azərbaycan-Yaponiya Kosmik Sektor Seminarı» («Azerbaijan-Japan Space Sector Workshop») keçiriləcək.
Qeyd edək ki, nümayəndə heyətinin fevralın 26-da Azərbaycanın rabitə və informasiya texnologiyaları naziri Əli Abbasovla görüşü nəzərdə tutulur.
Fevralın 28-də isə yaponiyalı qonaqların nazir müavini Elmir Vəlizadənin müşayiəti ilə baş nazirin müavini, Yaponiya-Azərbaycan hökumətlərarası komissiyanın həmsədri Abid Şərifovla görüşünün keçirilməsi planlaşdırılır.
Həmçinin, fevralın 28-də nümayəndə heyətinin Peykin Yerüstü İdarəetmə Mərkəzi ilə tanışlığı da nəzərdə tutulub.
